ԵԽԽՎ համազեկուցողները հանդիպել են ԱԺ բոլոր խմբակցությունների հետ

Ազգային ժողովում հյուրընկալվել են ԵԽԽՎ համազեկուցողներ Ալեքս Ֆիշերը և Ալան Միրը, ովքեր հանդիպումներ են ունեցել ԱԺ բոլոր խմբակցությունների հետ: Այս պահին համազեկուցողները հանդիպում են նաև ԱԺ նախագահ Գալուստ Սահակյանի հետ:

Հանդիպումների նպատակների և ընթացող քննակումների մասին լրագրողներին տեղեկացրեց ԱԺ ՀՀԿ խմբակցության պատգամավոր Հովհաննես Սահակյանը, ով մասնակցել է հանդիպմանը: «Քննարկվել են մարտին 1-ի, կանանց խնդիրների հետ կապված խնդիրներ: Նույն քաղաքացիական հատվածի հետ հանդիպման ժամանակ ասվել է, որ կանանց հանդեպ բռնությունները շատ են: Նաև ընդդիմության 12 կետերի հետ կապված քննարկումներ են եղել»,- նշեց Սահակյանը:

Նրա խոսքով` ԵԽԽՎ համազեկուցնողների հետ հանդիպման ընթացքում ՀՀԿ-ն ներկայացրել է իր ընդհանուր պատկերացումները քաղաքական դաշտի մասին, նրանք էլ պատասխանել են ՀՀԿ-ի կողմից բարձրաձայնված հարցերին:

ՀՀ ԱԺ խմբակցությունների հետ հանդիպումների նախաձեռնությունը ԵԽԽՎ համազեկուցողներինն էր: Համազեկուցողները հանդիպել են նաև ԲՀԿ, ՀՅԴ, ՕԵԿ և «Ժառանգություն» խմբակցությունների ներկայացուցիչների հետ: Հիմնականում քննարկվել են Հայաստանի ներքաղաքական իրավիճակի հետ կապված հարցեր: ԵԽԽՎ համազեկուցնողներին հետաքրքրել են հատկապես սահմանադրական բարեփոխումները:

Նրանք հանդիպել են նա հասարակական կազմակերպությունների ներկայացուցիչների հետ: