Մեր դիրքերը «հանկարծ» հայտնվեցին ադրբեջանական շատ դիրքերի ֆլանգերում (լուսանկարներ դիրքերից). razm.info

Հունիսի սկզբին անսպասելիորեն ադրբեջանցիների համար հայկական զորքը զբաղեցրեց գերիշխող դիրքեր սահմանի զգալի հատվածում (հայկական կողմի վերահսկողության տակ անցավ հարյուրից ավելի քառակուսի կմ, որ մինչ այդ չէր վերահսկվում բարդ ռելիեֆի ու կլիմայական պայմանների պատճառով)։ Նշենք, որ քարտեզով դա հիմնականում այսպես թե այնպես ՀՀ տարածքն էր, բայց մշտական հենակետեր չկային։ Նոր հենակետերի զբաղեցումը կատարյալ սյուրպրիզ էր հարևանների համար. մեր դիրքերը «հանկարծ» հայտնվեցին ադրբեջանական շատ դիրքերի ֆլանգերում, մեր զենքի համար խոցելի դարձնելով ադրբեջանական դիրքերի կոմունիկացիաները։ Ավելի մանրամասն մեկնաբանություններ՝ լուսանկարների տակ։

Լուսանկարները՝ Կարեն Վրթանեսյանի, Razm.info

Այս բարձունքներին ադրբեջանցիների դիրքեր են։

Հակառակորդի կրակակետերը

~3000մ բարձրության վրա քեզնից անկախ թոքերդ սկսում են աշխատել դարբնոցի փուքսի պես։ Դե պատկերացրեք այստեղ բարձրանալը զենք-զինամթերքով և այլ անհրաժեշտ պաշարներով։

Ձյունն այստեղ միայն օգոստոսին է հալվում, սեպտեմբերից նորից գալիս։

Պրոֆեսիոնալներ

Ադրբեջանական մամուլը աղմուկ էր բարձրացրել Նախիջևանում ընթացող «կատաղի մարտերի» մասին։ Իրականում ադրբեջանցի դիրքապահները նկատել են մերոնց միայն այն ժամանակ, երբ բոլոր դիրքերն արդեն զբաղեցրած են եղել։ «Կատաղի մարտերի» հեքիաթը հերքվում է նաև այս լուսանկարով. ադրբեջանցի չոբանը հանգիստ արածացնում է իր ոչխարներին։

Եւս մեկ հովերգական տեսարան. սպիտակ կետերը փեթակներ են, այստեղ ադրբեջանցիները մեղու են պահում և չեն պատրաստվում հեռանալ։

Ի դեպ, բեմադրված ֆոտո չէ. մերոնք ուշադիր հետևում էին ադրբեջանցիների բոլոր շարժերին

Կրկին «կատաղի մարտերից». ադրբեջանցի զինվորները՝ դիրքերում, արխայնացած վիճակներում։ Իրականում առանձնապես բան չեն էլ կարող անել, որովհետև իրենց խրամատների ՄԵՋՆ է երևում մեր նոր դիրքերից։