Սերժ Սարգսյանը գնահատում է Աբդուլլահ Գյուլին` որպես քաղաքական գործչի

ՀՀ Նախագահ Սերժ Սարգսյանը Թուրքիայի գործող նախագահ Աբդուլլահ Գյուլին լայնախոհ մարդ է համարում: Հանրային հեռուստաընկերության «Հարցազրույց» ծրագրի եթերում պատասխանելով հարցին` ինչպիսի ռեակցիա կցուցաբերի թուրքական կողմը` 2015թ. ապրիլի 24-ին Հայաստան այցելելու Սերժ Սարգսյանի հրավերին և արդյոք հրավերն Աբդուլլահ Գյուլի սրտով էր, ՀՀ Նախագահը նշեց. «Աբդուլլահ Գյուլը հնարավորություն չի ունենա, ամենայն հավանականությամբ, այդ հարց քննար կելու, երբ ժամանակը գա, քանի որ նա հայտարարել է, որ չի մասնակցելու նախագահական ընտրություններին և որպեսզի այդ հարցի պատասխանն ավելի հստակ ունենանք, մնացել է ընդամենը երկու շաբաթ, բայց ես գնահատում եմ Գյուլին, որպես քաղաքական գործչի, քանի որ, իմ համոզմամբ, նա լայնախոհ մարդ է և շատ լավ գիտակցում է իր երկրի իրական շահը»:

Իսկ թե կգա Թուրքիայի ընտրված նախագահը, ով էլ լինի, հնարավոր կլինի իմանալ ընտրություններից հետո կամ էլ ապրիլի 24-ի նախօրյակին:

«Հայ թուրքական հարաբերությունների, Ցեղասպանության հետ կապված, բնական է, որ մինչև 100-րդ տարելից ես ունենալու եմ բազմաթիվ հնարավորություններ, ինչպես առանձին հարցազրույցների տեսքով, այնպես էլ ելույթների տեսքով իմ կարծիքն արտահայտել այս հարցի շուրջ»,- հայտարարեց Նախագահը: