Սերժ Սարգսյանը ցանկանում է, որ ֆուտբոլի աշխարհի առաջնության չեմպիոն դառնա Գերմանիայի հավաքականը

Սերժ Սարգյանը հետևում է ֆուտբոլի աշխարհի առաջնության խաղերին ու հաղթանակ է ցանկանում Գերմանիայի հավաքականին: Այս մասին նախագահը հայտնեց Հանրային հեռուստաընկերության «Հարզազրույց» ծրագրի եթերում:

Հարցին ի պատասխան, թե ֆուտբոլի առաջնության խաղերին նախագահը որ թիմին է երկրպագում, Սերժ Սարգյանը նշեց. «Ես այդ բառը կարող եմ օգտագործել միայն իմ վերաբերմունքը Հայաստանի հավաքականի նկատմամբ ցույց տալու համար: Ես երկրպագում եմ Հայաստանի ֆուտբոլի հավաքականին: Բայց, անշուշտ, ես հաճույքով դիտում եմ նաև այլ ֆուտբոլային խաղեր: Եվ հիմա այս ֆուտբոլային տոնի ժամանակ չեմ կարող այն բաց թողնել: Անշուշտ, դիտել եմ մի քանի խաղ ու համարում եմ, որ շատ հետաքրքիր ու դիտարժան աշխարհի առաջնություն է: Ես տասնամյակներ շարունակ համակրել ու հաճույքով դիտ ել եմ Բրազիլիայի ու Գերմանիայի հավաքականների խաղերը: Իհարկե, եղել են ժամանակներ, որ առիթը բաց չեմ թողել հիանալու Ֆրանսիայի, Անգլիայի, Իտալիայի, Իսպանիայի խաղերով, բայց, նորից եմ կրկնում, իմ համակրանքը եղել է բրազիլական ու գերմանական ֆուտբոլի կողմը»:

Նախագահի համար այս առաջնության առավել գրավիչ պահը գոլառատությունն է: «Որովհետև էլ ինչ ֆուտբոլ առանց գոլի: Փաստորեն այս ընթացքում ընդամենը մեկ խաղ է ավարտվել առանց գոլ արձանագրվելու, և ես կցանականայի, որ չեմպիոն դառնար Գերմանիայի ընտրանին: Որ հետո մենք կարողանանք ասել, որ, այո, խոշոր հաշվով պարտություն կրեցինք, բայց այդ պարտությունը կրեցինք աշխարհի չեմպիոնից»,-հավելեց նախագահը: