Հայաստանի ու Վրաստանի նախագահները քննարկել են երկու երկրների հարաբերություններին վերաբերող ընդգրկուն հարցեր
Վրաստան
Թբիլիսիի նախագահական պալատում հունիսի 18-ին տեղի է ունեցել Հայաստանի նախագահ Սերժ Սարգսյանի և Վրաստանի նրա պաշտոնակից Գեորգի Մարգվելաշվիլիի դեմառդեմ հանդիպումը, որն այնուհետև շարունակվել է ընդլայնված կազմով:
Ինչպես նշել են Վրաստանի նախագահի վարչակազմում, կողմերը քննարկել են երկու երկրների փոխհարաբերություններին վերաբերող ընդգրկուն հարցեր և ապագա համագործակցության հեռանկարները:
Նախագահներն քննարկել են տնտեսական և ենթակառուցվածքային նախագծեր, կրթության բնագավառի հարցեր և ուշադրություն են դարձրել զբոսաշրջության և մշակույթի ոլորտներում համագործակցության հեռանկարներին:
«Ես ընդգծում եմ Հայաստանի հետ առևտրական հարաբերությունները, որտեղ դրական դինամիկա է նկատվում, և ցանկանում եմ շնորհակալություն հայտնել իմ գործընկերոջը՝ պարոն Սարգսյանին, այն բանի համար, որ բոլոր հիմնական ուղղություններում մեր հայացքները համընկնում են, այդ թվում՝ մշակույթի, գիտության և կրթության ոլորտում»,- ասել է Մարգվելաշվիլին:
«Մենք միատեսակ ենք տեսնում ապագան»,- բասել է Վրաստանի նախագահը:
Իր հերթին Հայաստանի նախագահը շնորհակալություն է հայտնել իր պաշտոնակցին ջերմ ընդունելության և կառուցողական երկխոսության համար:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
