Քվորումն ապահովվեց. ԱԺ նիստը մեկնարկել է (ուղիղ միացում)

Ազգային ժողովում կառավարության նախաձեռնած արտահերթ նիստի երկրորդ օրվա աշխատանքը մեկնարկեց: Գրանցվել է 66 պատգամավոր, քվորում արդեն կա, և խորհրդարանը շարունակում է աշխատանքը: ՀՀ ԱԺ նախագահ Գալուստ Սահակյանը՝ դիմելով ոչ իշխանական ուժերին, նշեց, որ մի քանի րոպեի համար պետք չէր այսպես վարվել: «Ես հասկացա, որ ձեր նպատակը նիստը ձախողելն էր, սակայն մի քանի րոպեի համար իմաստ չկար, որ նման բան անեիք»,- ասաց Սահակյանը՝ ուշացող պատգամավորներին էլ կոչ անելով հիշել, որ արտահերթ նիստի ընթացքում նիստերը մեկնարկելու են ժամը 11:00-ին և ժամանակին ներկայանալ:

ԱԺ նիստն արդեն մեկնարկել է, սակայն նախորդ օրը քննարկված հարցերը քվեարկության չդրվեցին, քանի որ ոչ իշխանական ուժերի պատգամավորները չեն գրանցվել և դահլիճում չեն: Այս պահին քննարկվում է «Հասարակության և պետության կարիքների համար սեփականության օտարման մասին» ՀՀ օրենքում փոփոխություններ և լրացումներ կատարելու մասին օրենքի նախագիծը: