Հայաստանի պաշտպանության փոխնախարարն արժանացել է «Կառավարության ռեֆորմատոր» մրցանակին. News.am

Հայաստանում ԱՄՆ-ի դեսպանությունը, Հայաստանում եվրոպական միության պատվիրակությունը, Հայաստանում Մեծ Բրիտանիայի դեսպանությունը, ԵԱՀԿ երևանյան գրասենյակը, Եվրոպայի Խորհրդի երևանյան գրասենյակը, ՄԱԿ-ի հայկական գրասենյակը և «Counterpart International» կազմակերպությունը հունիսի 19-ին կազմակերպել էին «Համընդհանուր իրավունքների մրցանակների հանձնում» մրցանակաբաշխությունը:

Ինչպես հաղորդում է NEWS.am-ը, միջացառման ընթացքում Եվրոպայի Խորհրդի երևանյան գրասենյակի ղեկավար Օլեքսանդր Պավլյուկը «Ազատության պաշտպաններ» մրցանակը հանձնել է իրավապաշտպաններ Արտակ Զեյնալյանին և Արա Ղազարյանին: «Արտակն ու Արան օգնել են Հայաստանի շատ քաղաքացիների իրականացնել իրավական աջակցության և արդարացի դատավարության իրենց իրավունքը, այդ թվում նաև ՄԻԵԴ դատական հայցերի ներկայացմամբ: Նրանք նաև ներգրավվել են տարբեր ծրագրերում, որոնք իրականացվում են Եվրախորհրդի կողմից Հայաստանում»,- նշել է Եվրոպայի Խորհրդի երևանյան գրասենյակի ղեկավարը:

Հայաստանում Մեծ Բրիտանիայի արտակարգ ե լիազոր դեսպան Քեթրին Լիչը «Քաջ կին» մրցանակը հանձնել է Ռեսուրսների կանացի կենտրոնի ներկայացուցիչ Լարա Ահարոնյանին, միաժամանակ ընդգծելով՝ «քաջը» թույլ բառ է, ավելի ճիշտ կլինի ասել «անվախ»:

Հայաստանում «Counterpart International» կազմակերպության ներկայացուցիչ Կարլ Հոֆստրան «Քաղաքացիական ակտիվություն» մրցանակը հանձնել է «Վճարում ենք 100 դրամ» շարժման կազմակերպիչներին: «Այդ արշավը ցույց է տալիս, թե ինչ ազդեցություն կարող է ունենալ քաղաքացիական շարժումը: Առանց որևէ կազմակերպչական և ֆինանսական ռեսուրսների մտահոգ քաղաքացիները միավորվեցին ընդհանուր նպատակի շուրջ և արդյունավետ քայլեր ձեռնարկեցին»,- ընդգծել է Կարլ Հովստրան:

«Մեդիա գերազանցություն» մրցանակը Հետաքննող լրագրողների «Հետք» կայքին է հանձնել Հայաստանում ԵՄ պատվիրակության գործերի հավատարմատար Դիրք Լորնցը; «Ազատ, անկախ և բազմակարծություն ապահովող լրագրողները նպաստում են թափանցիկությանը և ժողովրդավարական հասարակության հիմքն են: Իրենց գործունեությամբ «Հետքի» լրագրողներն ապացուցել են իրենց պրոֆեսիոնալիզմը և հավատարմությունը լրագրողական հիմնարար սկզբունքներին»,- հայտարարել է Լարենցը:

Շարունակությունը՝ այստեղ: