«Հրապարակ». ԱԺ-ում մտադիր են հավատարմագրել միայն 5 տարի աշխատանքային փորձ ունեցող լրագրողներին

ԱԺ-ում փորձում են ոչ միայն կարգի բերել ԱԺ-ն «ռեստորանի, գիշերային ակումբի» տեղ դրած լրագրողներին եւ պատգամավորների օգնականուհիներին` դրես-կոդ սահմանելով, այլեւ Գալուստ Գրիգորիչն ակնարկել է լրագրողների քանակի մասով: Գրում է «Հրապարակ»-ը:

ԱԺ-ում հավատարմագրված լրագրողների քանակը 300-ից ավելի է, այսուհետ մտադիր են հավատարմագրել միայն 5 տարի աշխատանքային փորձ ունեցող լրագրողներին: «Փաստորեն, ցանկանում եք նոր մոտեցո՞ւմ հանդես բերել հավատարմագրման հարցում»,- հարցրինք ԱԺ աշխատակազմի ղեկավար Հրայր Թովմասյանին: «Ես պառլամենտում աշխատանքի մեծ փորձ ունեցող լրագրողների հետ հանդիպում կունենամ ու ինչ-որ բան եթե ունենամ, իրենց հետ կխոսեմ, այո, կա իրենց հետ հանդիպելու, զրուցելու, իրենց լսելու ցանկություն»: Թովմասյանը, փաստորեն, չի հոգնել սկանդալներից, որոշել է հիմա էլ լրագրողական համայնքին ձեռնոց նետել: Նախորդ՝ ընդդիմությանը շշպռելը նախարարի պաշտոն արժեցավ, այս անգամ կարող է ԱԺ-ից դուրս թռնել:

Շարունակությունը` «Հրապարակ»-ի այսօրվա համարում: