Չաբի Ալոնսոն Իսպանիայի հավաքականում ավարտում է կարիերան

«Ռեալի» կիսապաշտպան Չաբի Ալոնսոն որոշում է ընդունել Աշխարհի առաջնության ավարտից հետո հավաքականում ավարտել կարիերան: Այս մասին գրում է Marca-ն:  

Պարբերականի տվյալներով` Ալոնսոն այդ որոշումը կայացրել է մինչ Բրազիլիայում ընթացող Աշխարհի առաջնությունը, և Վիսենտե Դել Բոսկեի թիմի անհաջողությունը ոչ մի կապ չունի նրա որոշման հետ: 

Իսպանիայի հավաքականում 32-ամյա կիսապաշտպանը խաղացել է երեք Աշխարհի առաջնությունում, երկու անգամ մասնակցել է Եվրոպայի առաջնությանը, երկու անգամ Կոնֆեդերացիաների գավաթի խաղարկությանը: Երկու անգամ դարձել է Եվրոպայի, մեկ անգամ էլ` Աշխարհի չեմպիոն: 

Ալոնսոն հավաքականի կազմում մասնակցել է 113 խաղի` 88 հաղթանակ, 12 ոչ-ոքի, 13 պարտություն: Կիսապաշտպանը հեղինակել է 16 գոլ: