Գեներալի առաջ խոնարհվելու, նրան շնորհակալություն հայտնելու փոխարեն՝ զրպարտում են նրան. ԵԿՄ անդամ

Մամուլում հրապարակումներ են հայտնվել, թե հունիսի 18-ին Էջմիածնում արձանագրված կրակոցների փաստից հետո գեներալ Մանվել Գրիգորյանի կողմնակիցներն առևանգել են արարքը կատարածների հարազատներից մի կնոջ: Այդ տեղեկություններին մեր միջնորդությամբ պատասխանելու ցանկություն են հայտնել ԵԿՄ Կոտայքի մարզային խորհրդի նախագահ Աբել Հարությունյանն ու Արթիկի տարածքային բաժանմունքի նախագահ Անան Ոսկանյանը։

Անան Ոսկանյան- Անասուն է այն մարդը, ով կարող է հավատալ, թե Զորավար Մանվել Գրիգորյանը կարող է կին, մայր, քույր առևանգել։ Գեներալը մայրապաշտ է։ Նա իր ընտանիքի անդամներին, թոռներին, երեխաներին, զարմիկներին, պատանի և երիտասարդ երկրապահներին դաստիարակում է այն ոգով, որ վերջիններս միշտ պատրաստ լինեն պաշտպանել մորը, քրոջը, հայ կնոջը։

Աբել Հարությունյան- Զորավար Մանվելն այն մարդն է, որ միշտ պատրաստ է եղել զոհվելու հայ մոր, հայ կնոջ համար՝ համարելով հայ կնոջը սրբություն: Նման հիմար հրապարակումների հեղինակները երեսուն արծաթով սատանային վաճառված տականքներ են: Գեներալ Մանվել Գրիգորյանն այն մարդն է, որ հաղթեց թուրքին, չթողեց թուրքը մտնի մեր երկիր, մեր օջախ, հենց այդ դիվական հրապարակումների հեղինակների տներ: Գեներալի առաջ խոնարհվելու, նրան շնորհակալություն հայտնելու փոխարեն՝ զրպարտում եք նրան: Ամոթ ձեզ և ձեր նենգ պատվիրատուներին, որոնց մայրերի, կանանց և դուստրերի պատիվը, անհրաժեշտության դեպքում, դարձյալ մենք ենք պաշտպանելու՝ Զորավարի հրամանատարությամբ։