Հայաստանի ռուսական ռազմակայանում կայացել է Միխայիլ Կալաշնիկովի հուշարձանի հիմնադրման արարողությունը

Հայաստանի ռուսական ռազմակայանի թանգարանին հարող զբոսայգում զորամիավորման հրամանատար Անդրեյ Ռուզինսկու գլխավորած պատվիրակության մասնակցությամբ կայացել է կոնստրուկտոր, Ռուսաստանի հերոս գեներալ-լետենանտ Միխայիլ Կալաշնիկովի հուշարձանի հիմնադրման արարողությունը, որը կկանգնեցվի 2,87 մետր բարձրությամբ ամբողջ հասակով, կդառնա ռազմակայանի զարդը, կնպաստի երիտասարդ սերնդի հայրենասիրության դաստիարակմանը և կհավերժացնի ականավոր կոնստրուկտորի հիշատակը:

Հուշարձանը կքանդակվի քարից՝ Մ. Կալաշնիկովի ճիշտ ուրվապատկերով, որի կողքին դրված կլինի մոտոհրաձգային զորքերը խորհրդանշող ինքնաձիգը, կոնստուկտորի ձեռքին կլինի աղավնի, որը նշանակում է օդուժի բաղադրիչը և առջևը՝ գլոբուս, որը բոլոր մարդկանց հասկանալ կտա «լավագույն զենքի նախահոր» համաշխարհային փառքի մասին: Նախագիծն իրականացվում է զորամասի հրամանատարության նախաձեռնությամբ՝ Ռուսաստանի «Սլավյանկա» շինարարական ընկերության և սանկտպետերբուրգցի մեկենաս և հասարակական գոր ծիչ Հրաչյա Պողոսյանի օժանդակությամբ:

Արարարողությանը մասնակցել են ռազմակայանի հրամանատարությունը, «Սլավյանկա» շինարարական ընկերության ղեկավարությունը, Հայաստանի Հանրապետությունում Ռուսաստանի Անվտանգության համերկրային ծառայության Սահմանապահ վարչության, մտավորականության, հասարակայնության ներկայացուցիչներ, զինծառայողներ: Միավորման հավատացյալ զինծառայողների հետ աշխատանքի գծով հրամանատարի օգնականը կատարել է հուշարձանի հիմքի և դրա բացմանը ներկա գտնվողների օծման կարգ:

Հայաստանի ռուսական ռազմակայանի տարածքում Միխայիլ Կալաշնիկովի հուշարձանի բացումը պլանավորված է ընթացիկ տարվա հոկտեմբերին: