Պուտինն ու Ալիևը քննարկել են ԼՂ հակամարտության կարգավորման հարցը

Ռուսաստանի Դաշնության նախագահ Վլադիմիր Պուտինը և Ադրբեջանի նախագահ Իլհամ Ալիևը հեռախոսով քննարկել են Լեռնային Ղարաբաղի հակամարտության կարգավորման հարցը: Այս մասին հայտնում է «ՌԻԱ Նովոստին»` հղում կատարելով Կրեմլի մամուլի ծառայությանը:

«Օրակարգային տարածաշրջանային ակտուալ հարցերի, այդ թվում' Լեռնային Ղարաբաղի հակամարտության կարգավորման շուրջ կարծիքների փոխանակության ժամանակ ռուսաստանյան կողմը հաստատել է խնդրի խաղաղ լուծման որոնման մեջ բազմակողմանի օժանդակություն ցուցաբերելու իր պատրաստակամությունը»,- ասվում է հաղորդագրության մեջ: