Մագնուս Կարլսենը տպավորված է շախմատի նկատամամբ հայ ազգի վերաբերմունքից

Շախմատի աշխարհի չեմպիոն Մագնուս Կարլսենին Տաթևը հիշեցրել է իր հայրենիքը՝ Նորվեգիան:

«Հայաստանը այս Օլիմպիադայի ֆավոիրտների մեկն է, քանի որ մեծ հաջողություներիի է հասել թիմային աշխատանքի շնորհիվ: Նորվեգիայի համար մեծ բան է շախմատային օլիմպադան հյուրընկալելը, և ես հիշում եմ դեռ, որ 2006-ին Հայաստանը Նորվեգիային հաղթեց 4-0 հաշվով: Հուսով եմ այս անգամ կկարաողանանք ավելացնել մեր միավորները»,- «Արմենպրես»-ի հարցին ի պատասխան՝ նշեց աշխարհի չեմպիոնը:

Հայաստանի ուժղագույն շախմատիստի՝ Լևոն Արոնյանի կարծիքով՝ Օլիմպիդաներից միշտ էլ շատ սպասելիքներ կան: «Մեր սպասումները միշտ էլ նույն են: Այս 10 օրերին ընթացքում կաշխատենք վերականգվել: Չեմ ասում, որ անպայման պետք է հաղթենք, բայց պայքարելու ենք մինչև վերջ: Շատ ուրախ եմ, որ մրցաշարը անցկացվում է Նորվեգիայում, քանի որ այն էլ սարերի վրա է, ինչպես Հայաստանը»,- ասաց Արոնյանը:

Աշխարհի չեմպիոնն այսօր այցելել էր Տաթև և, փոխանցելով տպավորությունները, փաստեց, որ իրեն դուր է եկել վանական համալիրը: «Մենք եղանք մի վայրում, որը կոչվում էր Տաթև. այն ինձ դուր եկավ՝ հիշեցնելով հայրենիքս: Հայաստանում ես տպավորված եմ շախմատի նկատմամբ առանձնակի վերաբերմունքից»,- ընդգծեց նորվեգացին:

Մագնուս Կարլսենը Հայաստան է ժամանել տեղեկատվական տեխնոլոգիաների «Ակրոնիս» ընկերության և Հայաստանի զարգացման նախաձեռնություններ (IDeA) հիմնադրամի հրավերով: Աշխարհի չեմպիոնը Հայաստանում է եռօրյա այցով: Կարլսենն արդեն շախմատային սեանս է անցկացրել Հայաստանի շախմատի ակադեմիայի սաների հետ: