«ՀԺ». Կառավարությունը մոտ է «Որոտան հիդրոկասկադի» վաճառքի գործարքը չեղյալ համարելուն

«ՀԺ»-ի ունեցած տեղեկություններով, կառավարությունը չափազանց մոտ է «Որոտան հիդրոկասկադի» վաճառքի գործարքը չեղյալ համարելուն: Ըստ այդմ, վերջնական որոշումը դեռ չի կայացվել, բայց դա կարող է տեղի ունենալ ցանկացած պահի:

Այս տարվա հունվարի 29-ին Երևանում ամերիկյան «Կոնտուր գլոբալ հիդրոկասկադ» ընկերության և ՀՀ կառավարության միջև կնքվեց պայմանագիր, ըստ որի, ամերիկյան ընկերությունը 120 մլն դոլար էր վճարելու Որոտանի հիդրոկասկադի համար և ևս 70 միլիոն դոլարի ներդրում պետք է աներ:

Գործարքը, ըստ այդ պայմանագրի, պետք է ավարտված լիներ մինչև ապրիլի կեսը, սակայն մինչ օրս այն չի ավարտվել և գումարը վճարված չէ: Ոչ ամերիկյան կողմը և ոչ էլ ՀՀ կառավարությունը սպառիչ բացատրություններ չեն տալիս, թե ինչ խնդիրներ են ծագել: Կառավարությունից ստացվող ոչ պաշտոնական տեսակետի համաձայն. գործարքը չեղյալ համարելը իրականում ոչ թե տնտեսական, այլ արտաքին քաղաքական և ներիշխանական դրդապատճառներ ունի: Դա Հայաստանի էներգետիկ համակարգի միակ օբյեկտն է, որը պետք է ձեռք բերեր ոչ ռուսական ընկերություն:

Շարունակությունը՝ «ՀԺ»-ի այսօրվա համարում: