Ստեփանակերտի օդանավակայանից առաջին փոքրիկ թռիչքները հարուցել են Ադրբեջանի հիստերիան

Ստեփանակերտի օդանավակայանից սկսել են կարճ տարածության վրա թռիչքներ իրականացնել մեկ շարժիչ ունեցող ինքնաթիռները, որոնք նախատեսված են երկու անձի համար: Ինքնաթիռի ծառայություններից օգտվում են նաև Լեռնային Ղարաբաղ այցելող զբոսաշրջիկները: Ինքնաթիռն անցնում է Ստեփանակերտի, Շուշիի, Մարտակերտի վրայով:

Ինքնաթիռի թռիչքը պատկերող տեսաձայնագրությունը, որը հայտնվել է համացանցում, հարուցել է հարևան Ադրբեջանի հիստերիան: Ադրբեջանական լրատվամիջոցներն անհանգստությամբ արձանագրել են այն փաստը, որ Ստեփանակերտի օդանավակայանում սկսել են թռիչքներ իրականացնել առաջին ինքնաթիռները: