Ալիևն ԱՄՆ պատվիրակության հետ քննարկել է ԼՂ հիմնահարցը

Ադրբեջանի նախագահ Իլհամ Ալիևն ընդունել է ԵԱՀԿ Խորհրդարանական վեհաժողովի նիստին մասնակցելու համար Բաքու ժամանած ԱՄՆ պատվիրակության անդամներին: Ինչպես հաղորդում են ադրբեջանական «ԱՊԱ» գործակալությունը, Միացյալ Նահանգների պատվիրակության կազմում են եղել հանապետական սենատոր Ռոջեր Ուիքերը և հանրապետական կոնգրեսական Քրիստոֆեր Սմիթը:

Հանդիպմանը կողմերն իրենց գոհունակությունն են հայտնել երկու երկրների միջև հարաբերությունների բնականոն զարգացման առնչությամբ:

Նրանք մտքեր են փոխանակել երկկողմ հարաբերությունների զարգացման, Լեռնային Ղարաբաղի հակամարտության կարգավորման, ինչպես նաև ԵԱՀԿ խորհրդարանական վեհաժողովում համագործակցության վերաբերյալ: