Արտեմ Ասատրյանը կողմ է Հայաստանում կարիերայի ուղղորդման մեխանիզմների ներդրմանը

Աշխատաշուկայում տեղի ունեցող փոփոխությունները պարտադրում են, որ քաղաքացիները համապարփակ տեղեկատվություն ստանան կարիերայի ուղղորդման վերաբերյալ, որը թույլ կտա նրանց ունենալ աշխատաշուկայի պահանջներին համապատասխան մասնագիտություն: Այս մասին Կարիերայի ուղղորդման հիմնախնդիրներին նվիրված գիտաժողովի բացմանը նշեց ՀՀ աշխատանքի և սոցիալական հարցերի նախարար Արտեմ Ասատրյանը: Նրա խոսքով' կարիերայի ուղղորդումը լուրջ խնդիր է ոչ միայն դպրոցականների, այլև մասնագիտություն ընտրած անձանց համար, քանի որ քաղաքացին իր մասնագիտությանը համապատասխանող աշխատանք չի գտնում: «Դա մենք կոչում ենք կառուցվածքային գործազրկություն, երբ կան թափուր աշխատատեղեր, սակայն չկան աշխատողներ կամ հակառակը: Մենք արդեն իրականացնում ենք փորձնական ծրագրեր, կարիերային վերաբերող դասընթացներ, ուսուցիչներն արդեն վերապատրաստում են անցնում: Զբաղվածության ծառայության մեր մարմիններում ևս ներդրվում է կարիերայի ուղղորդման մեխանիզմը»,- ասաց Ասատրյանը:

Նա նշեց, որ ներկայումս մարզերում մեծ է բժիշկների և ուսուցիչների պահանջարկը, իսկ Երևանում կա տեխնիկական մասնագետների կարիք: «Այդ նպատակով միջին Մասնագիտական կողմնորոշման մեթոդական կենտրոն մասնագիտական կրթությունն այս տարվանից ֆինանսավորվելու է պետության կողմից, որպեսզի աշխատաշուկայում փակենք միջին մասնագիտական կրթություն ունեցող մասնագետների բացը»,-ասաց նախարարը:

Մասնագիտական կողմնորոշման մեթոդական կենտրոնի տնօրեն Հայկուհի Գևորգյանը տեղեկացրեց, որ գիտաժողովի ընթացքում հնչած զեկույցների և վերլուծությունների հիմնան վրա պատրաստվելու է ռազմավարական ծրագիր 2015-2020 թվականների համար: «Հայաաստանում երբևէ չի եղել մասնագիտական կողմնորոշման համակարգ: Այսօր աշխատաշուկայի պահանջներից ելնելով կարիք է առաջանում մտածել այս խնդրի վերաբերյալ: Հանրակրթական դպրոցներում կարիերայի ուղղորդում անցկացնելու համար պետք է մշակվի մեթոդական այն հիմքը, որն ընդունելի կլինի բոլոր համար»,- ասաց Գևորգյանը:

Գիտաժողվն ավելի արդյունավետ անցկացնելու համար կազմակերպվել էին նաև կլոր սեղաններ և անցկացվող մասնագիտական քննարկումների արդյունքում որոշվելու էին ոլորտի հիմնական խնդիրները: