Google-ը կազմել է ֆուտբոլի աշխարհի առաջնության խորհրդանշական հավաքականը՝ հանրաճանաչ որոնողական հարցումների հիման վրա

Սպորտ 1 Հուլիս, 2014 19:43

Google-ը ներկայացրել է Բրազիլիայում ընթացող ֆուտբոլի աշխարհի առաջնության այն տասնմեկ խաղացողների անունները, որոնց ամենից հաճախ են փնտրում օգտատերերը:

Դարպասապահ. Մեքսիկայի հավաքականի դարպասապահ Գիլիերմո Օչոան, որը բրազիլացիներին թույլ չտվեց գոլ խփել և իր թիմի հետ հասավ մինչև 1/8 եզրափակիչ՝ զիջելով հոլանացիներին մեկ քառորդ եզրափակիչ դուրս գալու մրցախաղում: Ինչպես նշել է The Independent թերթը, Համացանցի օգտատերերի շրջանում նա առանձնահատուկ ժողովրդականություն է ստացել այն լուրի շնորհիվ, թե ձեռքերին վեց մատն ունի:

Առաջնության բոլոր պաշտպանների թվում ֆուտբոլի սիրահարները Google-ի միջոցով ամենից հաճախ փնտրել են. ճապոնացի Ացուտո Ուտիդային, որն, ըստ լուրերի՝ կարող է տեղափոխվել «Արսենալ» և գործող մի անձի կհնչյունավորի պոկեմոնների մասին ֆիլմում, իսպանացի Ժերար Պիկեին, որը հիշվել է ոչ տպավորիչ խաղով և կորցրել է տեղը հավաքականի կազմում, բրազիլացի Դավիթ Լուիսին, որը բազմաթիվ ծաղրանկարների հերոս է դարձել փարթամ մազերի և սանրվածքը փոխելու մասին լուրերի շնորհիվ, արգենտինացի Մարկոս Ռոխոյին, որը Համացանցում առանձնահատուկ ժողովրդականություն է վայելում Բոսնիայի հետ մրցախաղի ժամանակ կատարած «Ռաբոնա» հնարքի շնորհիվ:

Կիսապաշտպանության գիծը կազմել են՝ Բրազիլիայի հերոս և տեղացի մարզասերների շրջանում ամենահռչակավոր խաղացող Նեյմարը, Գերմանիայի հավաքականի առաջատարներից մեկը՝ Բաստիան Շվայնշտայգերը, Իտալիայի հավաքականի միակ ֆուտբոլիստը, որին հայրենիքում չեն քննադատում, Անդրեա Պիռլոն, ամբողջ մրցաշարի արդյունքներով լավագույն խաղացողի տիտղոսի հավականորդ հոլանդացի Արիեն Ռոբենը:

Ամենահայտնի հարձակվողներն են դարձել. «Ոսկե գնդակի» մրցանակակիր Քրիշտիանու Ռոնալդուն, որը չկարողացավ Պորտուգալիայի հավաքականին դուրս բերել խմբից, բայց երեք անգամ փոխեց սանրվածքը, և նրա հայտնի մրցակից արգենտինացի Լիոնել Մեսին, որը չորս գնդակ խփեց առաջին երեք մրցախաղերում:

Այս խորհրդանշական հավաքականի մարզիչ է դարձել ԱՄՆ-ի թիմի մարզիչ Յուրգեն Քլինսմանը, որն ամերիկացիներին դուրս բերեց 1/8 եզրափակիչ՝ մեծացնելով ֆուտբոլի ժողովրդականությունը Հյուսիսային Ամրիկայում, հաղորդել է «Ինտերֆաքս»-ը: