Հայբիզնեսբանկն ամփոփում է «Երեխաների միամսյակ» ծրագիրը (լուսանկարներ)

ՀԱՅԲԻԶՆԵՍԲԱՆԿԸ սույն թվականի հունիսի 1-ից 30-ը հայտարարել էր «Երեխաների միամսյակ», որի շրջանակում իրականացվել են մի շարք միջոցառումներ, մասնավորապես.

Բանկի կողմից ցուցաբերված ֆինանսական աջակցությամբ հունիսի 2-ին «ՆՈՐԱՍՏՂ» հաշմանդամ երեխաների ծնողների ՀԿ անդամները կազմակերպեցին մոտ 90 երեխայի այցը «Գրանդ-Քենդիի» սրճարանում,

հունիսի 18-ին Ուռուցքաբանության ազգային կենտրոնի Մանկական ուռուցքաբանության բաժանմունքում վերաբացվեց ՀԱՅԲԻԶՆԵՍԲԱՆԿԻ կողմից կապիտալ վերանորոգված, կահավորված և բժշկական սարքավորումներով հագեցված ցերեկային ստացիոնար սենյակն ու դրան հարող միջանցքը,

բանկն իր աշխատակիցների երեխաների մասնակցությամբ պատրաստեց «Բանկը երեխաների աչքերով» տեսաֆիլմը,

իսկ հունիսի 30-ին տեղի ունեցավ բաց դռների օր «ՄԱՆԿԻԿ» ժամկետային ավանդ ներդրած հաճախորդների 8-12 տարեկան երեխաների համար, որի ընթացքում մատչելի կերպով անցկացվեց ուսուցողական էքսկուրս բանկի և բանկային գործի վերաբերյալ:

Իսկ այսօր, տոնական միամսյակի ավարտից հետո, ՀԱՅԲԻԶՆԵՍԲԱՆԿԸ կրկին երեխաների համար հուլիսի 1-ից մինչև սեպտեմբերի 30-ը մեկնարկում է նոր ակցիա. բոլոր նրանք, ովքեր դոլարով կամ դրամով ներդնեն «Մանկիկ» ժամկետային ավանդ հնարավորություն կունենան ստանալ եռամսյակը մեկ կապիտալացվող և դրամով մինչև 15,5%-ի, իսկ դոլարով մինչև 9.2%-ի հասնող տոկոսագումարներ, ընդ որում՝ նվազագույնը 30,000 դրամ կամ 100 ԱՄՆ դոլար գումարի չափով ավանդը ներդրվում է մինչև 2 տարի ժամկետով: 

ՀԱՅԲԻԶՆԵՍԲԱՆԿԸ շնորհակալություն է հայտնում «Երեխաների միամսյակ» ծրագրում մասնակցություն ունեցած բոլոր հաճախորդներին, գործընկերներին և աշխատակիցներին՝ վստահեցնելով, որ միասին կարող ենք կերտել ապագայի հուսալի ճանապարհ…