Հյուսիսային Օսիայում կինոկատակերգություն են նկարահանելու Արմեն Ջիգարխանյանի գլխավոր դերակատարմամբ
Գիտություն և Մշակույթ
Հյուսիսային Օսիայի լեռներում այս տարվա օգոստոսին կինոկատակերգության նկարահանումներ կսկսվեն մտացածին երկու գյուղերի՝ վրացաբնակ Տիլիի և օսաբնակ Տոլիի առօրյա կյանքի մասին, որոնք բաժանված են սահմանային Արագավկա գետով: Այդ մասին ԻՏԱՌ-ՏԱՍՍ-ին հայտնել է սցենարի հեղինակներից մեկը՝ Վլադիմիր Գուտնովը: Կինոնկարի գլխավոր դերերը կատարելու են Արմեն Ջիգարխանյանը և Կախա Կավսաձեն:
«Այդ սցենարը գրվել է չորս տարի: Դրա գաղափարը ծնվել է Հյուսիսային Օսիայում տեղի ունեցած հնգօրյա պատերազմից անմիջապես հետո,-պատմել է Գուտնովը:-Դա կատակերգություն է այն մասին, թե ինչպես են ապրում սահմանամերձ գյուղերի բնակիչները, ինչպես են նրանք քշում սահման դնողներին և, չնայած արգելքներին, միմյանց հյուր գնում»:
Երկրորդական դերերի համար դերասանների քասթինգը նույնպես պլանավորված է օգոստոսին և անցկացվելու է Կուրտատինի կիրճում: «Լեռնային Կարցա գյուղում կստեղծվեն Տիլի և Տոլի գյուղերը, իսկ երբ նկարահանվի հարսնացուի առևանգման տեսարանը, փեսացուն աղջկան կթաքցնի Ձիվգիի ժայռաշեն ամրոցում»,-նշել է Գուտնովը:
2015 թվականին, երբ «Տիլի և Տոլի» ֆիլմը էկրան դուրս կգա, կլրանա գլխավոր դերակատարների՝ Արմեն Ջիգարխանյանի և Կախա Կավսաձեի 80-ամյակը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
