Հանրապետությունում 2014թ. առաջին կիսամյակում արձանագրվել է օձի խայթոցի 33 և կարիճի խայթոցի 4 դեպք

ՀՀ առողջապահության նախարարության «թեժ գիծ» ծառայությունում 2014թ.առաջին կիսամյակում գրանցվել է օձի խայթոցի 33 և կարիճի խայթոցի 4 դեպք: Մահվան դեպք չի արձանագրվել։ 2013թ. նույն ժամանակահատվածի համեմատությամբ, օձի խայթոցի դեպքերը նվազելեն 9-ով, իսկ կարիճի խայթոցի դեպքերն ավելացել 3-ով: Ինչպես «Արմենպրես»-ին տեղեկացրին ՀՀ առողջապահության նախարարությունից, հանրապետության բոլոր հիվանդանոցներն ապահովված են օձի հակաթույնով, որն անհրաժեշտության դեպքում ներարկվում է անվճար։