«Ուժեղ Հայաստանը բխում է Միացյալ Նահանգների շահերից». ԱՄՆ դեսպան
Արտաքին Քաղաքական
ՀՀ-ում ԱՄՆ դեսպանությունը հուլիսի 2-ին նշել է Միացյալ Նահանգների անկախության 238-րդ տարեդարձը:
Ինչպես տեղեկացրին Հայաստանում Միացյալ Նահանգների դեսպանությունից, ԱՄՆ դեսպանատանը տեղի ունեցած հանդիսավոր միջոցառման ընթացքում դեսպան Ջոն Հեֆերնը և ՀՀ վարչապետ Հովիկ Աբրահամյանը բարձր գնահատական են տվել հայ-ամերիկյան սերտ գործընկերությանը:
Դեսպան Հեֆերնն իր խոսքում նշել է. «Ուժեղ Հայաստանը բխում է Միացյալ Նահանգների շահերից: Մեր խորացող տնտեսական և մշակութային կապերն այս երկրում մեր ունեցած բազմաթիվ գործընկերությունների արգասիքն են: Հուսով եմ, որ այսօր բոլորս կխոստանանք աշխատել միասին՝ խորացնելու կապերը Միացյալ Նահանգների և Հայաստանի Հանրապետության միջև»:
Նա ողջունել է այն բազմաթիվ խմբերին, կազմակերպություններին ու անհատներին, ովքեր գործակցում են ԱՄՆ դեսպանության հետ և հորդորել, որ նրանք գործակցեն նաև միմյանց հետ:
Երեկոյի ընթացքում հնչել է ամերիկյան քանթրի-երաժշտություն' հայկական «Իմեջին բենդ» խմբի կատարմամբ և ներկայացվել քանթրի ոճի խմբապարեր` «Նանե» պարային ստուդիայի կողմից: Գագիկ Գինոսյանը և նրա «Կարին» համույթը ներկայացրել են հայկական ավանդական երգ ու պար:
Անկախության օրը նշանավորում է Միացյալ Նահանգների ծննդյան օրը և Անկախության հռչակագրի ընդունումը, որ տեղի է ունեցել 1776թ. հուլիսի 4-ին:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
