«Հրապարակ». Դեպի Ռուսաստան մեր ընթացքը կասեցվել է

Երեկ 2՝ առաջին հայացքից իրար հետ կապ չունեցող, սակայն խորքում փոխկապակցված իրադարձություն գրավեցին մեր ուշադրությունը: Առաջինը Հայաստանում ԱՄՆ դեսպանի հարցազրույցն էր «Ասեկոսե» կայքին, որտեղ նա թեեւ առանձնապես նոր բաներ չէր ասել, բայց, խոսելով Ղարաբաղի հարցի կարգավորման մասին, ընդգծել էր «բուն Լեռնային Ղարաբաղի եւ դրան շրջապատող տարածքների միջեւ» տարբերակում դնելու անհրաժեշտությունը, քանի որ «երկու կողմերն էլ այդ 2 տարածքները դիտարկում են որպես մեկ ամբողջություն», ինչը դժվարացնում է կարգավորումը:

«Պետք է հասկանալ, որ Լեռնային Ղարաբաղի համար կարեւոր է, որ մյուս 7 տարածքները վերադարձվեն Ադրբեջանին»,- ասել էր Ջոն Հեֆերնը՝ դա համարելով խնդրի կարգավորման բանալին: Մյուս ուշագրավ իրադարձությունը թուրքական մամուլում հայտնված լուրերն էին՝ հայ-թուրքական սահմանը բացելու մասին: Թուրքական Taraf պարբերականը գրել էր, որ Թուրքիայի վարչապետ, նախագահի թեկնածու Էրդողանը հրահանգել է մինչեւ սեպտեմբեր սահմանը բացել:

Պարբերականը հիշել էր նաեւ ապրիլի 24-ի աննախադեպ հայտարարություն-ցավակցությունը եւ արձանագրել, որ սահմանի բացման ուղղությամբ աշխատանքները կավարտվեն սեպտեմբերին: Այս հոդվածն անսպասելի մեծ աղմուկ բարձրացրեց հատկապես ադրբեջանական մամուլում, որը հայտարարեց, թե Թուրքիայի ԱԳՆ-ն հերքում է այդ լուրերը: Սակայն հոդվածն ու դրա առաջացրած աղմուկը մի բանի մասին են վկայում՝ տարածաշրջանում այս լուրի սպասում կա, եւ այն կարող է մի շարք գործընթացների սկիզբ դառնալ: Ինչո՞վ են այս երկու իրադարձությունները նշանակալի. սրանք խոսում են այն մասին, որ Արեւմուտքը ձեռքերը չի լվացել Հայաստանից: Մանավանդ արդեն իսկ պարզ է, որ դեպի Ռուսաստան մեր ընթացքը կասեցվել է եւ հայտնի չէ կվերսկսվի՞ արդյոք:

Շարունակությունը` «Հրապարակ»-ի այսօրվա համարում: