Առողջ ապրելակերպը քարոզողները հեծանվարշավով նշեցին Սահմանադրության օրը

Մաշտոցի պողոտա - Ամիրյան փողոց- Հանրապետության Հրապարակ ուղերթով հուլիսի 5-ին անցկացվեց հեծանվավազքի մրցույթ' նվիրված ՀՀ Սահմանադրության օրվան: Հեծանվավազքին մասնակցում էին 40 հեծանվորդներ, այդ թվում' գործարարներ, նախարարությունների ներկայացուցիչներ և օտարերկրյա դիվանագետներ: Մրցույթին ներկա էր նաև ՀՀ-ում Բրազիլիայի Դաշնային Հանրապետության արտակարգ և լիազոր դեսպան Էդսոն Մարինյո Դուարտե Մոնտեյրոն: «Սահամանադրության օրվա հետ կապված որոշեցինք միջոցառում կազմակերպել, որի նպատակն է ակտիվ և առողջ ապրելակերպի խորհուրդը ներկայացնել մեր հանրությանը: Ի նկատի ունենալով այն, որ Հայաստանը ժամանակի հետ համահունչ է ընթանում, և հեծանիվը որպես փոխադրամիջոց սկսել է լայն տարածում գտնել մեր երկրում հետևաբար փորձեցինք ավելի հանրային դարձնել այս սպորտաձևը: Միաժամանակ' ցույց տալ, որ հեծանիվն ավելի էժան և էլոկոլգիապես մաքուր փոխադրամիջոց է»,-«Արմենպրես»-ի հետ զրույցում ասաց միջոցառման կազմակերպիչ և հովանավոր «Ջի Էմ Ջի մեդիա գրուպ» ընկերության և միջազգա յին գործարար կապերի աջակցություն հիմնադրամի նախագահ Մարիամ Մանուկյանը: Նա նաև շնորհակալություն հայտնեց Երևանի քաղաքապետարանին ու ՀՀ սպորտի և երիտասարդության հարցերի նախարարությանը օժանդակության համար:

Մրցույթի անցկացման համար առանձնացվել էր երկու խումբ' 20-ական մասնակիցներով: Առաջին խմբում ընդգրկվել են գործարարներ, Սպորտի և երիտասարդության հարցերի նախարարության և Բրազիալայի դեսպանատան ներկայացուցիչներ, իսկ երկրորդ խմբում' հեծանվային սպորտով զբաղվող երեխաները: Մրցույթի ավարտին Հանրապետության հրապարկում տեղի ունեցավ մարցանակաբաշխության հանդիսավոր արարողություն, որի ընթացում առաջին տեղերն զբաղեցրած մասնակիցներին հանձնվեցին եռօրյա հանգստի ուղեգրեր Ծաղկաձորի հանգստավայրերից մեկում: Երկրորդ և երորդ տեղերն զբաղեցրած մասնակիցները ստացան խրախուսական նվերներ: