«Ժողովուրդ». Հրանտ Մադաթյանն այլևս չի առաջադրվելու

ԱԺ պատգամավոր, «Բարգավաճ Հայաստան» կուսկցության անդամ Հրանտ Մադաթյանը «Ժողովուրդ»-ի հետ զրույցում հաստատեց տեղեկությունը, որ այլևս չի առաջադրվելու Գեղարքունիքի մարզի թիվ 23 ընտրատարածքում: Ես իմ կուսակցության նախագահին խնդրել եմ, որ ինձ ընդգրկի կուսակցության համամասնական ընտրացուցակում: Բայց ես էլ չեմ ուզում պատգամավոր դառնամ:Երևի գնամ գործադիր մարմնում որևէ պաշտոնի, որ կարողանամ իմ ժողովրդի մատից մի փուշ հանեմ»,-ասաց պատգամավորը: 

Թերթը հիշեցնում է, որ այդ ընտրատրածքից ԱԺ պատգամավոր պետք է դառնա «Եվրոպա» ռեստորանի սեփականատեր Սերգեյ Մանուկյանի՝ Շինանյութի Սերգեյի փեսան: Թերթը արդեն հրապարակել էր, որ Մանուկյանը դիմել է ՀՀ ոստիկանապետ Վլադիմիր Գասպարյանին՝ իր նախկին թիկնապահին պատգամավոր դարձնելու խնդրանքով: Ինչպես երևում է, ոստիկանապետը բավարարել է նրա խնդրանքը, և Կարեն Բոթոյանն առաջիկայում, հավանաբար առանց մրցակցի, պատգամավոր կդառնա: Ի դեպ , բոթոյանը «Օրինաց երկիր» կուսակցության անդամ է: