«Ժողովուրդ». Ինչ ունեցվածք ունեն Էդվարդ Նալբանդյանի տեղակալները

«Ժողովուրդ»-ն արդեն ներկայացրել է, թե ինչ ունեցվածք ունի արտաքին գործերի նախարար Էդվարդ Նալբանդյանը: Այսօր թերթը ներկայացնում է ԱԳ նախարարի տեղակալների կարողությունն ու ֆինանսական աղբյուրները:

Նալբանդյանի տեղակալ Շավարշ Քոչարյան. նա հարկային տարվա սկզբում ունեցել է 700 հազար դրամ, որը, տարվա վերջին ավելանալով, դարձել էր 1 մլն 100 հազար դրամ: Բացի այդ' Շ. Քոչարյանն ունի նաև 900 եվրո: Մեկ տարվա ընթացքում նա կարողացել է 5 մլն դրամից ավելի գումար վաստակել:

Մյուս տեղակալ Կարեն Նազարյանն ունի 5000 եվրո և 60 հազար դոլար: Գույքի հետ կապված ոչ մի տվյալ նա չի ներկայացրել:

ԱԳ նախարարի մեկ այլ տեղակալ՝ Սերգեյ Մանասարյանը, ոչ մի դրամական միջոց, առավելևս որևէ տեսակի գույք չի ներկայացրել: Իսկ մեկ տարվա ընթացքում նրա եկամտի միակ աղբյուրը եղել է աշխատավարձը:

Նալբանդյանի չորրորդ տեղակալը' Աշոտ Հովակիմյանն, ունի 4914 եվրո, 1.940.800 դրամ և 100 հազար դոլար: Մեկ տարվա ընթացքում նա կարողացել է 7 մլն դրամից ավելի գումար վաստակել»։

Շարունակությունը՝ «Ժողովուրդ»-ի այսօրվա համարում: