«Հրապարակ». Սերժ Սարգսյանի լավատեսությունը

Ապահո՞վ երկիր է արդյոք Հայաստանը: Կայո՞ւն երկիր է արդյոք Հայաստանը: Այս հարցերին ի պատասխան, ՀՀ քաղաքացիների մեծ մասը թերեւս ժխտողական պատասխան կտա: Դեպի անհայտություն ձգվող քարավանների ընթացքն այդ անապահովության, անկայունության մասին է վկայում: Հայ մարդն իր ապագան չի տեսնում հայրենիքում՝ նախընտրում է օտար-ամայի ճամփեքին փնտրել այդ ապահովությունն ու կայունությունը, եւ դա է պատճառը, որ չի վախենում այն զրկանքներից, որոնք, որպես կանոն, կրում են գաղթականները: Մի կողմից հարկ կա այդ թերահավատությունը կոտրելու, մարդկանց իրենց հայրենիքի հանդեպ վստահություն ներշնչելու: Մյուս կողմից՝ այդ վստահությունը ներշնչելու ճանապարհը չպետք է կեղծիքը լինի: Մարդն ինքն իր կյանքով, իր փորձով պետք է համոզվի, որ մեր երկիրն ապահով է, կամ գոնե շարժվում է դեպի ապահովություն: Նախօրեին Արգենտինայում արտասանված ելույթում Սերժ Սարգսյանը Հայաստան է հրավիրել մեր հայրենակիցներին եւ փորձել է վստահություն ներշնչել հայրենիքի ու մեր ապագայի նկատմամբ:

«Այս անկայուն ու անապահով աշխարհում կա՞ ավելի ապահով տեղ հայկականությունը վերալիցքավորելու համար»,- հարցրել է նա արգենտինահայ համայնքի անդամներին: Եվ հայտարարել է. «Պատմության անիվը շարունակում է պտտվել եւ, բարեբախտաբար, ի նպաստ մեզ»: Համայնքի ներկայացուցիչները, անշուշտ, չեն առարկել այս պնդմանը, թեեւ, եթե խոսեին, հավանաբար, կպատմեին հայրենիքի հետ առնչվելու իրենց «դառը» փորձի մասին: Սերժ Սարգսյանի այս լավատեսությանը երեկ հեռակա կարգով հակադարձել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը, ով իր թվիթերյան էջում գրել է. «Ղարաբաղյան ստատուս քվոն գնալով ավելի վտանգավոր է դառնում»: Եվ այդ վտանգի մասին են վկայում սահմանից ստացվող լուրերը:

Շարունակությունը` «Հրապարակ»-ի այսօրվա համարում: