«Հրապարակ». Չի բացառվում, որ ինչ-ինչ պատճառներով սահմանադրական բարեփոխումները կյանքի չկոչվեն

Իշխանական որոշ աղբյուրների փոխանցմամբ, չի բացառվում, որ ինչ-ինչ պատճառներով սահմանադրական բարեփոխումները կյանքի չկոչվեն: Դրանով է բացատրվում Սերժ Սարգսյանի անտարբերությունը գործընթացի նկատմամբ, ինչպես նաեւ «միայնակ գայլի» վերածված ՍԴ նախագահ Գագիկ Հարությունյանի' «բորենիների դեմ» պայքարը, որովհետեւ բարեփոխումները հիմնականում եղել են նրա իդեա-ֆիքսը: Գագիկ Հարությունյանի գաղափարի նկատմամբ Սերժ Սարգսյանի անտարբերությունը բացատրվում է, նախ' սահմանադրական բարեփոխումների շուրջ հանրային-ընդդիմադիր «նույնական» անտարբերությամբ: Գրում է «Հրապարակ»-ը:

Չնայած մեր աղբյուրները չեն բացառում հակառակ գործընթացի հնարավորությունը եւս. այն է' բարեփոխումները դառնան հանրային լարվածության, բողոքի ակցիաների, «բարիկադների» համար նոր մատրիցա, ինչն այս պահին իշխանություններին ամենեւին պետք չէ: Այնուհանդերձ, մեր տեղեկություններով, պատճառը շատ ավելի խորն է. բանն այն է, որ Եվրասիական միությանն անդամակցությունը եւ սահմանադրական բարեփոխումները մեկ փաթեթում են: Եթե Հայաստանն անդամակցում է Եվրասիական միությանը, ապա նախագահական մոդելն այդ դեպքում առավել քան անհասկանալի է դառնում. ճիշտը խորհրդարանական կառավարումն է' օրվա քաղաքական կոնյունկտուրայի տեսանկյունից: Բայց Հայաստանի անդամակցությունը, ինչպես նաեւ Եվրասիական միության կայացումը հայտնվել են մեծ հարցականի տակ՝ «զադնի» է դրվել, մինչեւ երեւա, թե ով ում բարեկամն է:

Շարունակությունը` «Հրապարակ»-ի այսօրվա համարում: