«Հրապարակ». «Երբեմն թվում է՝ մենք այս մոլորակում չենք ապրում»

Երբեմն թվում է՝ մենք այս մոլորակում չենք ապրում: Այն բոլոր խնդիրներն ու հոգսերը, որ մենք ունենք, Երկիր մոլորակի բնակչության ո՞ր մասի հետաքրքրությունների կիզակետում են: Գրում է «Հրապարակ»-ը:

Այո, անշուշտ, մենք էլ ենք աշխարհի ֆուտբոլի առաջնությանը հետեւում եւ անգամ խաղադրույքներ դնում, բայց ֆուտբոլը մեր կենցաղի, մեր կյանքի բաղկացուցիչը չէ եւ, ցավոք, թերեւս երբեք էլ չի լինի, քանի որ մեր ֆուտբոլում մենաշնորհային մթնոլորտ է եւ Ռուբեն Հայրապետյանի հաստատած կարգերը: Այո, մենք էլ ենք մեկնում այլ երկրներ՝ հանգստանալու, զբոսնելու, բայց այն համատարած զբոսաշրջությունը, որ հատկապես աշխարհի տարբեր երկրների տարեց մարդկանց է բնորոշ, եւ որոնք կենսաթոշակի անցնելուց հետո զբաղվում են գրեթե բացառապես դրանով, մեզանում չկա եւ երբեւէ դժվար էլ լինի, քանի որ մեզ մի հարյուր տարի է հարկավոր տնտեսական բարեկեցության նման մակարդակի հասնելու համար:

Այո, մեր երկրում գրեթե յուրաքանչյուր երկրորդ ընտանիք մեքենա ունի, ոմանք անգամ շատ թանկարժեք մեքենաներ են վարում, բայց դա շարունակում է մնալ մեծահարուստների արտոնությունը, իսկ մեքենան՝ շքեղության արտահայտություն, քանի որ շարքային մարդն իր միջին հայաստանյան աշխատավարձով նման ավտոմեքենա ձեռք բերել դեռ երկար ժամանակ չի կարողանա: Եվ ավտոմեքենան շարունակելու է մնալ մարդկանց զարմացնելու, ոմանց չտեսությունն ու ավելորդ փողը ցուցադրելու միջոց: Այո, մեզանից ոմանք մտնում են քաղաքականություն եւ անգամ հասնում են խորհրդարան՝ դառնում պատգամավոր, բայց պրոֆեսիոնալ քաղաքական գործիչների խավ այդպես էլ մեզանում չի ձեւավորվում, եւ դասական քաղաքական կուսակցություններ չեն ստեղծվում: Այդ ամենը մնում է սիրողական մակարդակի վրա՝ իր բոլոր բացասական հետեւանքներով հանդերձ:

Շարունակությունը` «Հրապարակ»-ի այսօրվա համարում: