«Հրապարակ». Ամառն իր սեւ գործն արել է՝ հասարակությանը մղելով անտարբերության ու սպասողական վիճակի

Երեկվա տապը եւ երկրի առանց այն էլ ոչ այնքան աշխույժ կյանքում ազդարարված ամառային դադարն իրենց ազդեցությունն են ունեցել ամեն ինչի վրա՝ քաղաքական անցուդարձ, սոցիալական պայքար, հասարակության մասնակցություն երկրում առկա բազում խնդիրների լուծմանը: Ամառն իր սեւ գործն արել է՝ հասարակությանը մղելով անտարբերության ու սպասողական վիճակի: Շուրջբոլորն ամեն ինչ պասիվ ու արձակուրդային վիճակում է, չնայած խնդիրների սրությունը, թվում է, արձակուրդի մասին մտածելու հնարավորություն չպետք է ընձեռեր ոչ իշխանություններին, ոչ հասարակությանը, ոչ ընդդիմությանը:

Ինձ հետաքրքրեց՝ արդյո՞ք անցած տարիներին եւս մեզանում այսքան շատ խնդիրներ էին կուտակված, եւ արդյո՞ք ամառային սեզոնն այսպես կաթվածահար էր անում ամեն ինչ: Ահա, ձեռքս եմ վերցնում չորս տարի առաջվա՝ 2010 թվականի հուլիսի 15-ի «Հրապարակը» եւ փորձում եմ վերհիշել, թե այդ օրն ինչով էր ապրում մեր երկիրը, եւ ինչ էինք գրում մենք:

Հայ-թուրքական սահմանի բացման խոսակցություններ՝ արձանագրությունները ստորագրվել են դրանից մեկ տարի առաջ, բայց սահմանի բացման հարցում ոչ մի տեղաշարժ չկա: Մի քանի օլիգարխներ միլիոնների արժողության անշարժ գույք են գնել Երեւանի կենտրոնում: Ռուբեն Վարդանյանի եւ Վերոնիկա Զոնաբենդի բաց նամակը, որտեղ վերջիններս հայտարարում են, որ դիտարկում են «Դիլիջան» դպրոցի նախագծի կասեցման հնարավորությունը, քանի որ «սխալ է դպրոց ստեղծել մերժող միջավայրում»: Ահա «Արարատի մարզն ապահովիկացնո՞ւմ են» վերտառությամբ հոդվածը՝ Արարատում մարզպետ Վարդգես Հովակիմյանին Էդիկ Բարսեղյանով փոխարինելու մասին:

«Ժողովրդահայրենասիրական» անունը կրող ճակատը դեպի Ռուսաստան գնալու կոչեր է անում: Եվս մի հոդված ՀԱԿ ակտիվիստների դատի մասին: Կարծես ոչինչ չի փոխվել:

Շարունակությունը` «Հրապարակ»-ի այսօրվա համարում: