«Հրապարակ». Օլանդի այցը տարածաշրջան պայմանավորված է եղել ղարաբաղյան հակամարտության կարգավորման խնդրով

Ինչպես տեղեկացնում են ԱՄՆ դեսպանատանը մոտ կանգնած թերթի աղբյուրները՝ Ֆրանսիայի նախագահ Օլանդի այցը տարածաշրջան առաջին հերթին պայմանավորված է եղել ղարաբաղյան հակամարտության կարգավորման խնդրով, որպես համանախագահ երկիր՝ դոմինանտություն ստանձնելու, նախագահների հանդիպումը կազմակերպելու, գործընթացը ԵԱՀԿ ՄԽ-ի «կանտրոլի» տակ պահելու համար: Փարիզում Ալիևի հետ հանդիպման Օլանդի առաջարկին Սերժ Սարգսյանն առանց այլևայլության տվել է իր նախնական համաձայնությունը: Ըստ նույն աղբյուրների՝ Ալիևը, որոշակի մանևրից հետո, նույնպես համաձայնել է։

Բանն այն է, որ Օլանդը և ամերիկյան կողմն ուզում են Փարիզում ոչ միայն հանդիպում կազմակերպել, այլև անպայմանորեն ինչ-որ «թուղթ» ստորագրել տալ կողմերին, որը հայտարարությունից առավել չի լինի, և որտեղ կողմերը կվերահաստատեն կոնֆլիկտի խաղաղ լուծման իրենց համաձայնությունը: Սակայն սա չի բավարարում ադրբեջանական կողմին, որը լուրջ խաղերի մեջ է ռուսական կողմի հետ: «Այդ իսկ պատճառով էլ հանդիպումն այսքան ձգձգվում է, բայց այն անպայմանորեն կկայանա»,- հույս հայտնեցին մեր աղբյուրները:

Շարունակությունը՝ «Հրապարակ»-ի այսօրվա համարում: