Ինտերնետային քվեարկության արդյունքներով` Թուրքիայի նախագահի թեկնածու Էրդողանը 2-րդ տեղում է. CNNTurk
ԱՐԽԻՎ
Թուրքիայի CNNTurk հեռուստաալիքի ինտերնետային կայքն առցանց հարցում է կազմակերպել' օգոստոսի 10-ին այդ երկրում անցկացվելիք նախագահական ընտրությունների կապակցությամբ, և հարց ուղղել ընտրողներին, թե նախագահի երեք թեկնածուներից ում օգտին են պատրաստվում քվեարկել:
Ինչպես հաղորդում է «Արմենպրես»-ը, թեկնածուների ստացած քվեները ներկա դրությամբ հետևյալն են. Էքմելեդդին Իհսանօղլու' 4827, Սալահեթդին Դեմիրթաշ' 23846, Ռեջեբ Թայիբ Էրդողան' 7686:
Թուրքիայի գործող վարչապետ Էրդողանը նախագահի թեկնածու է առաջադրվել իշխող «Արդարություն և զարգացում» կուսակցության կողմից, Իհսանօղլուն, ով Իսլամական համագործակցության կազմակերպության նախկին ղեկավարն է, Թուրքիայի գլխավոր ընդդիմադիր Ժողովրդահանրապետական և «Ազգայնական շարժում» կուսակցությունների միասնական թեկնածուն է, իսկ Դեմիրթաշին Թուրքիայի մոտ 20 մլն քուրդ բնակչության կողմից առաջադրել է քրդամետ «Ժողովուրդների դեմոկրատական կուսակցությունը»:
CNNTurk-ը հարցումն անցկացրել է Թուրքիայի կենտրոնական և հյուսիսային շրջաններում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
