Մեր սահմաններն անառիկ են ու անանցանելի. Չինարիի գյուղապետ
Հարցազրույցներ
Չինարիում այս պահին խաղաղ իրավիճակ է, կրակոցներ լինում են ստեպ-ստեպ, մեկ-մեկ գյուղի կողմ են կրակում, բայց հիմնականում լինում են դիրքային. առաջվա նման ագրեսիվություն այս պահին չկա: Այս մասին Լուրեր.com-ի հետ զրույցում ասաց Չինարի գյուղի գյուղապետ Սամվել Սաղոյանը:
Գյուղապետի խոսքով՝ վերջին շրջանում բավականին շատ են եղել կրակոցները, ինչն էլ նա կապում է Քարվաճառում տեղի ունեցած դեպքերի հետ:
«Ընդհանրապես, ամեն տարի էլ այս ամիսներին լինում է ագրեսիվություն, քանի որ մեզ մոտ սկսվում է խոտհունձը, արտհունձը, իրենք միշտ էլ ցանկանում են, որպեսզի մեզ խանգարած լինեն: 20 օր անընդմեջ կրակում էին, եթե նախկինում կար ընդհատումներ այս տարի նման բան չեղավ»,- ասաց Սաղոյանը՝ հավելելով, որ իրենք վստահ են և համոզված, որ մեր սահմաններն անառիկ են:
«Մենք վստահ ենք և համոզված, որ մեր սահմաններն անառիկ են, անանցանելի են Չինարիի տարածք: Տեղակայված զորքերը լրջորեն կատարում են իրենց պարտականությունները»,- ասաց գյուղապետը:
Վերջինս ասաց, որ չի կարող դժգոհել կառավարությունից, «քանի որ իմ համայնքում բարձրացվող ամեն հարցի նրանք լուծում տալիս են»,- ասաց նա:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
