ՆԱՏՕ-ի գլխավոր քարտուղարը շնորհավորել է Պուտինին

ՆԱՏՕ-ի գլխավոր քարտուղար Անդերս Ֆոգ Ռասմուսենը զանգահարել է Ռուսաստանի նորընտիր նախագահ Վլադիմիր Պուտինին և շնորհավորել նրան նախագահի պաշտոնում ընտրվելու կապակցությամբ։ Ռասմուսենն ասել է, որ սպասում է փոխգործակցության և կոնստրուկտիվ երկխոսության առաջարկի, հաղորդում է «Վեստի»-ն։

«ՆԱՏՕ-ի գլխավոր քարտուղարն ընդգծել է ՆԱՏՕ-ի և իր անձնական ձգտումը՝ աշխատել ընտրված նախագահի հետ՝ Ռուսաստանի և ՆԱՏՕ-ի միջև ռազմավարական գործընկերության հաստատման նպատակով»,- ասված է ռուսական կողմի տարածած մամլո հաղորդագրությունում։