Ավտոարշավորդից մինչև ամսագրի խմբագիր. ինչո՞վ են զբաղված երբեմնի ֆուտբոլիստներն այժմ. մաս 2 (լուսանկարներ)

Ֆաբյեն Բարտեզը մասնագիտացել է ավտոսպորտում և հանդես է գալիս FIA GT-ում: Անցյալ տարի նա նույնիսկ հաղթել է Ֆրանսիայի ավտոսպորտի առաջնությունում: 2013թվականից աշխատում է ՊՍԺ-ի դարպասապահների հետ:

Բրիան Լաուդրուպը աշխատում է սեփական ֆուտբոլային ակադեմիայում, որը գտնվում է Դանիայում:

Սանտիագո Կանիսարեսը նույնպես իր ուժերը փորձում է ավտոսպորտում և նկարահանվում է մի շարք հեռուստատեսային շոուներում:

Սթիվ Մակմանմանը ֆուտբոլային հանդիպումներ է մեկնաբանում:

 Հիդետոսի Նակատան նորաձևության սիրահար է: Ճապոնացի Բեքհեմը նորաձևության ամսագրի խմբագիր է:

Ռուի Կոշտան «Բենֆիկայի» մարզական տնօրենն է:

Լուիջի դի Բյաջոն իր ուժերը փորձում է մարզչի աշխատանքում: Վերջին երեք տարիներին մարզում էր Իտալիայի երիտասարդական հավաքականը:

Հենրիկ Լարսոնը զբաղված է մարզչական աշխատանքով:

 «Ռեալի» նախկին ֆուտբոլիստ Տոմաս Գրավեսենն այժմ բնակվում է Լաս Վեգասում և զբաղվում է դրամախաղային բիզնեսով:

Ռոյ Մակայը մարզում է «Ֆեյնորդի»՝ մինչև 13 տարեկանների թիմը:

Յապ Ստամն այժմ մարզում է «Այաքսի» երիտասարդական թիմը:

Ռիվալդոն «Մոժի Միրին» ակումբի նախագահն է: