Բերձորում մարտական տրամադրություն է. կամավորների առաջին հարյուրյակը մեկնել է սահմանագոտի

Այսօր առավոտից Քաշաթաղի վարչակազմի շենքը սովորականից մարդաշատ էր, իսկ հավաքվածների մոտ տրամադրությունը՝ մարտական: Եկել են զինվորագրվելու հայրենիքի պաշտպանության գործին: Այս մասին գրում է karabakh-life.am-ը:

Ինչպես տեղեկացնում են շրջվարչակազմի աշխատակազմից, ամբողջ գիշեր սպասել են առավոտվան, որ հավաքվեն ու մեկնեն սահման: Առաջին հարյուրյակն արդեն մեկնել է՝ գլխավորությամբ Քաշաթաղի շրջվարչակազմի ղեկավարի տեղակալ Արտուշ Մխիթարյանի:
Մեկնելուց առաջ կամավորները ստացել են զինվորական հագուստ, սնունդ:

«Պատրաստ ենք ոչ միայն մարտական հերթապահության, այլ նաև ակտիվ ռազմական գործողությունների: Մենք վախենալու ոչինչ չունենք: Թշնամին թող վախենա, որովհետև գիտի , թե գործը ում հետ է»- վճառկանությամբ լեցուն ձայնով ասում են կամավորները:

Երևի թե, ավելորդ չի նշել, որ Բերձորում կամավորները նույնիսկ խղճում են թշնամուն, որ ստիպված է լինելու նորից հաշտվել տարածքային նոր կորուստների հետ: Այս թեմայով նույնիսկ կատակում են: Նրանից մեկը նույնիսկ սաստեց ընկերներին. «Հիմիկվանից ասում եմ, Կիրովաբադի օդանավակայանը իմնա, մեկդ ինձնից առաջ չընկնի»:

Նշենք, որ վարչակազմի ղեկավար Ս. Խաչատրյանի կոչին՝ սահմանապահներին օգնության հասնելու վերաբերյալ, արձագանքնել են բոլորը: Այսօր վարչակազմի աշխատակիցները ստիպված են եղել հավաքագրել միայն հարյուր կամավորի, մնացածը պատրաստակամ սպասում են իրենց հերթին:

Առավել մանրամասն` այստեղ: