Պաշտոնական Թբիլիսին մեկնաբանել է ադրբեջանական դիվերսիան

Վրաստանի նախագահի, վարչապետի, Հայաստանում և Ադրբեջանում Վրաստանի դեսպանների մեկնաբանությունները հուլիսի 28-ից օգօստոսի 3-ն ընկած ժամանակահատվածում ադրբեջանական դիվերսիոն գործողութունների վերաբերյալ.

Թբիլիսի, 4 օգոստոսի

Գիորգի Մարգվելաշվիլի (Վրաստանի նախագահ). «Տվյալ իրավիճակում անհրաժեշտ է երկխոսություն: Անհրաժեշտ է իրավիճակի դէ-էսկալացիա: Դա կարևոր է մեզ համար' որպես հայերի և ադրբեջանցիների հարևան և ընկերական ժողովրդի: Դա կարևոր է Վրաստանի համար այնքանով, որքանով տարածաշրջանի կայունությունը' նրա ապագայի գրավականը, պետք է լինի առաջընթացին ուղղված, դեպի մեր ժողովուրդների ու երկրների ավելի լավ գոյակցությանը, և ոչ թե դեպի կոնֆլիկտը: Բնականաբար, մենք միանում ենք երկխոսությամբ կարգավորման կոչերին: Մենք վստահ ենք, որ տարբեր միջազգային ասպարեզներում' ԵԱՀԿ Մինսկի խմբի շրջանակներում, ինչպես նաև մի քանի օրից կայանալիք նախագահների առաջիկա հանդիպման ընթացքում կողմերը կկարողանան ընդհանուր դիրքորոշման հանգել: Վրաստանն հակված է խաղաղությանը, համագործակցությանը և տարածաշրջանի զարգացմանը»:

Իրակլի Ղարիբաշվիլի (Վրաստանի վարչապետ). «Մենք ուշադիր հետևում ենք մեր հարևան, ընկերական պետություններում տեղի ունեցող գործընթացներին: Ես հույս ունեմ և վստահ եմ, որ նրանք շուտով համաձայնության կգան և մեր տարածաշրջանում կվերականգնվի խաղաղությունը: Դա մեզ համար շատ կարևոր է: Երկու կողմերն էլ մեզ համար հավասարապես կարևոր ռազմավարական պետություններ են: Այդ կերպ համարում եմ, որ խաղաղության վերականգնումը պետք է ժամանակին կատարվի»:

Թենգիզ Շարմանշվիլի (Հայաստանում Վրաստաբի դեսպան). «Մենք հուսով ենք, որ կոնֆլիկտի հետագա սրացում տեղի չի ունենա: Միջազգային հանրությունը մեծ ուշադրություն է հատկացրել տեղի ունեցած բախումներին: Ընդհանուր առմամբ, դա շատ բարդ տարածաշրջան է: Մենք բոլորս էլ գիտենք, որ այդ կոնֆլիկտը ձգվում է շատ երկար և հուսով ենք, որ վաղ թե ուշ կգտնվեն միջոցներ տվյալ կոնֆլիկտի խաղաղ լուծման համար»:

Թեհմուրազ Շարաշենիձե (Ադրբեջանում Վրաստանի դեսպանը). «Հակամարտության գծում պարբերաբար տեղի են ունենում բախումներ, կրակոցներ: Կարծում եմ, որ հիմա մենք գործ ունենք նույն իրավիճակի սրացման հետ: Ես խորապես համոզված եմ, որ այդ ամենը չի վերածվի լայնածավալ պատերազմի կամ ռազմական գործողությունների»: