ԵԱՀԿ Մինսկի խմբի համանախագահները ներկա չեն գտնվի Սոչիում Սարգսյան-Ալիև հանդիպմանը
Արտաքին Քաղաքական
ԵԱՀԿ Մինսկի խումբը ներկայացնող երեք երկրների համանախագահները՝ Ջեյմս Ուորլիքը (ԱՄՆ), Իգոր Պոպովն (Ռուսաստանի Դաշնություն) ու Պիեռ Անդրիոն (Ֆրանսիա) չեն ծրագրում օգոստոսի 8-9-ն այցելել Սոչի և ներկա գտնվել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպմանը: «Արմենպրես»-ի հետ զրույցում Հայաստանում ԱՄՆ դեսպանատնից ասացին, որ համանախագահների առաջիկա ծրագրերում Սոչի այցելություն չկա: «ԵԱՀԿ Մինսկի խմբի համանախագահները Սոչի այցելության ծրագրեր չունեն»,- ասացին դեսպանատնից:
Օգոստոսի 2-ին ՀՀ վարչապետ Հովիկ Աբրահամյանը Գավառ կատարած աշխատանքային այցելության ժամանակ հայտարարել էր, որ օգոստոսի 8-9-ը Սոչիում կկայանա Սերժ Սարգսյան-Իլհամ Ալիև հանդիպումը: Աբրահամյանը հույս էր հայտնել, որ հանդիպումից հետո սահմանին լարվածությունն ավելի կթեթևանա: Սոչիում Սարգսյանն ու Ալիևը կհանդիպեն 19-րդ անգամ: Նախորդը հանդիպումը կայացել էր 2013թ. նոյեմբերի 19-ին Վիեննայում:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
