«Հրապարակ». ԱԺ խմբակցությունները միասնաբար կմեկնեն դիրքեր

Նախապես տրված խոստման համաձայն ԱԺ խմբակցությունները ոչ միայն համատեղ հայտարարությամբ հանդես եկան՝ կապված սահմանային միջադեպերի հետ, այլև միասնաբար կմեկնեն դիրքեր: Այցը նախատեսվում է շաբաթ օրը: Այս մասին գրում է «Հրապարակ»-ը:

Դեռ որոշված չէ, թե կոնկրետ որ «թեժ կետերում» կլինեն, բայց հայրենի օրենսդիրները նախընտրել են Արցախի հենակետերը, որտեղ կմեկնեն ուղղաթիռով։ ՀՀԿ խմբակցության ղեկավար Վահրամ Բաղդասարյանը երեկ մեզ հայտնեց, որ ԱԺ խմբակցությունների ղեկավարներն են մեկնելու ցանկություն հայտնել: