Արտարժույթները թանկացել են

ՀՀ կենտրոնական բանկի սահմանած փոխարժեքների համաձայն` օգոստոսի 7-ին ԱՄՆ դոլարի փոխարժեքն աճել է 0.77 դրամով և կազմել 410.26 դրամ: Եվրոյի փոխարժեքն աճել է 1.89 դրամով և կազմել 548.89 դրամ: Ինչպես տեղեկացրին ՀՀ կենտրոնական բանկի մամուլի և հասարակայնության հետ կապերի բաժնից, ռուբլու փոխարժեքն աճել է 0.01 դրամով՝ կազմելով 11.32 դրամ։ Բրիտանական ֆունտի փոխարժեքն աճել է 1.54 դրամով և կազմել 691.00 դրամ:

Թանկարժեք մետաղների համար սահմանված գներով՝ ոսկու մեկ գրամի գինը օգոստոսի 7-ին կազմել է 17 հազար 232.95 դրամ, արծաթի գինը՝ 260.9 դրամ, պլատինի գինը՝ 19 հազար 218.07 դրամ։