«Հրապարակ». ԱԺ գազի հարցերով հանձնաժողովը շարունակում է ուսումնասիրել ստեղծված իրավիճակը

ԱԺ գազի հարցերով հանձնաժողովը շարունակում է աշխատել եւ ուսումնասիրել շուրջ 2 հազար էջանոց փաստաթղթերի փաթեթը, որը պետք է պատասխան տա քննարկման ենթակա 110 հարցերին: Հիշեցնենք, որ հանձնաժողովի աշխատանքները երկարաձգվել են մինչեւ դեկտեմբեր։

«Հանձնաժողովն այս երկու ամսվա ընթացքում ընդամենը կարողացել է ուսումնասիրել ստեղծված իրավիճակը։ Այս մասին գրում է «Հրապարակ»-ը: Մենք ունեինք 110-ից ավելի հարցադրումներ, որոնց վերաբերյալ ունեինք ավելի քան 1500 էջ տարբեր ատյաններից ստացված մեկնաբանություններ։ Հիմա գնում է այդ ամբողջ նյութերի, այդ ամբողջ տեղեկատվության ուսումնասիրությունը»,-ասաց հանձնաժողովի անդամ, ՀՀԿ խմբակցության պատգամավոր Խոսրով Հարությունյանը։

Նա նշեց, որ հանձնաժողովի բոլոր անդամները համակարծիք են, որ ցանկացած հարցադրման վերաբերյալ հարկավոր է ստանալ արժանահավատ տեղեկատվություն։ Եվ միայն այդպիսի տեղեկատվության հիման վրա է հնարավոր անել եզրակացություններ, տալ գնահատականներ։ Ըստ Հարությունյանի՝ դա բավականին ծավալուն աշխատանք է, եւ ինքը դժվարանում է ասել՝ արդյոք առաջիկա ամիսների ընթացքում իրենց կհաջողվի՞ այդ ամբողջը յուրացնել եւ ուսումնասիրել։ Սակայն մինչեւ արձակուրդ գնալն իրենք հասցրել են այդ փաստաթղթի որոշ մասն ուսումնասիրել։

Շարունակությունը՝ «Հրապարակ»-ի այսօրվա համարում: