Կանանց հավաքականը ևս ոչ-ոքի խաղաց Շախմատի օլիմպիադայում

Շախմատի Հայաստանի կանանց հավաքականը, ինչպես և տղամարդկանց թիմը, ոչ-ոքի ավարտեց Նորվեգիայի Տրոմսյո քաղաքում անցկացվող Շախմատի համաշխարհային 41-րդ օլիմպիադայի 7-րդ տուրի հանդիպումը։

Ինչպես տեղեկացնում Է «Արմենպրես»-ը, կանանց Հայաստան-ԱՄՆ հանդիպման պարտիաներն ավարտվեցին՝

Էլինա Դանիելյան-Իրինա Կրուշ- ՝ 1։0,

Աննա Զատոնսկիխ-Լիլիթ Մկրտչյան- ՝ 0.5։0.5,

Լիլիթ Գալոյան-Տաթեւ Աբրահամյան ՝ 0.5։0.5,

Սաբինա Ֆոյզոր-Մարիա Կուրսովա՝ 1։0:

Կանանց հավաքականը հավաքեց 11 թիմային և 21 անհատական միավոր։ Մինչ այս տուրը շախմատի Հայաստանի կանանց թիմի ցուցանիշն էր՝ 10 թիմային եւ 19 անհատական միավոր, 9-րդ տեղ՝ 136 մասնակից թիմերի ցանկում: Կանանց մրցաշարի առաջատարներ, 12-ական միավոր վաստակած Չինաստանի եւ Ռուսաստանի հավաքականները 1։3 հաշվով ավարտեցին 7-րդ տուրի հանդիպումը։