ԼՂ հակամարտության կարգավորման ձևաչափը Վիեննայից վերադարձավ Ռուսաստան. պատմաբան

«Նորավանք» գիտակրթական հիմնադրամի տնօրեն Գագիկ Հարությունյանը Հայաստանի, Ռուսաստանի և Ադրբեջանի նախագահների' Սոչիում կայացած եռակողմ հանդիպումը խիստ անհրաժեշտ և արդիական է գնահատում: Հանդիպման հիմնական արդյունքը, պատմաբանը համարում է կողմերի հայտարարությունը, որ Լեռնային Ղարաբաղի հակամարտությունը հնարավոր չէ լուծել ուժով: «Հուսանք, որ դա բերելու է լարվածության իջեցման և հետագայում ավելի հիմնարա ր լուծումներ տալու Ղարաբաղի խնդրին»,- «Արմենպրես»-ի մամուլի սրահում տեղի ունեցած ասուլիսի ժամանակ ասաց Հարությունյանը:

Նրա խոսքով' նախագահների յուրաքանչյուր հանդիպումից առաջ տեղի է ունենում լարվածության որոշակի սրացում, որը ենթարկվում է քաղաքական որոշակի տրամաբանության: «Այս անգամ այդ տրամաբանությունը կոտրվեց այն առումով, որ ադրբեջանական կողմը շատ կոշտ պատասխան ստացավ: Հայկական կողմի պատասխանները հայ-ադրբեջանական սահմանին և շփման գծում ադրբեջանական սադրանքներին շատ ավելի կոշտ և հստակ էին, որը զսպաշապիկ էր ադրբեջանական կողմի համար: Հանդիպումն, ըստ երևույթին, ծրագրված էր ավելի վաղ, և Ադրբեջանի կողմից դիվերսիոն գործողությունների ակտիվությունն ո ւղղված էր հանդիպման նախօերին որոշակի քաղաքական դիվիդենտներ ձեռք բերելուն, սակայն տեսանք, որ հակառակը տեղի ունեցավ' իր կոշտ պատասխանների միջոցով հայկական կողմն ավելի շահեկան վիճակում գտնվեց»,- նկատում է պատմաբանը:

Պուտին-Սարգսյան-Ալիև եռակողմ հանդիպման մյուս առանձնահատկությունն, ըստ Հարությունյանի, այն էր, որ ԼՂ հակամարտության կարգավորման ձևաչափը Վիեննայից վերադարձավ Ռուսաստան: «Արմենպրես»-ի այն հարցին, թե ինչպիսին կլինի Արևմուտքի և մասնավորապես ԱՄՆ-ի հաջորդ քայլը նախաձեռնությունը կրկին իրենց ձեռքը վերցնելու ուղղությամբ, Գագիկ Հարությունյանը նշեց. «Նման փորձեր կլինեն, բայց և՛ Ադրբեջանի, և՛ Հայաստանի ղեկավարությունները գիտակցում են, որ «ռուսական ձևաչափն» ավելի իրատեսական է, քանի որ Ռուսաստանն է, որ այստեղ զինված ուժեր ունի և Ռուսաստանն է, որ ունի ազդեցություն Հարավային Կովկասում: Առայժմ առանց Ռուսաստանի դժվար թե որևէ խնդիր լուծվի այս տարածաշրջանում»: