Բերդում կանցկացվի Մեղրի և հատապտուղների երրորդ փառատոնը

Օգոստոսի 17 Հայրենիքի Զարգացման Նախաձեռնություն Հիմնադրամը (ՀԶՆՀ), Բերդի քաղաքապետարանը և Տավուշի Հոգևոր Վերածնունդ Հիմնադրամը՝ համագործակցելով Կանաչ Արահետի և Բերդի Կանանց Ռեսուրս Կենտրոն Հիմնադրամի հետ կազմակերպում է երրորդ ամենամյա Մեղրի և Հատապտղի փառատոնը, որը տեղի կունենա Բերդում՝ Տավուշի մարզ: Միջոցառումը իրականացվում է Ջինիշյան Հիշատակի Հիմնադրամի ֆինանսական աջակցությամբ:

Փառատոնը հնարավորություն կտա այցելուներին վայելել Շամշադինի մեղրը և հատապտուղները, ինչպես նաև համտեսել դրանցից պատրաստված ավանդական ճաշատեսակները: Տեղացի և այլ մարզերի արհեստավորները կներկայացնեն և կվաճառեն թեմատիկ ձեռագործ աշխատանքներ: Փառատոնը հնարավորություն է ծանոթանալու համայնքների մշակութային արժեքներին, ինչպես նաև նպաստելու տարածաշրջանում էթնիկ զբոսաշրջության և տնտեսական զարգացմանը: Մեղրի և Հատապտղի ամենամյա Փառատոնը Բերդում իրականացվել է տեղական համայնքի ակտիվ ներգրավմամբ:

Բերդ համայնքը Հայաստանի հյուսիս – արևելյան տարածաշրջանն է՝ շրջակա 16 գյուղերով: Տարածաշրջանը ունի ամենաերկար սահմանը Ադրբեջանի հետ: Վեց գյուղեր գտնվում են հենց սահմանի հարևանությամբ: Տեղացիները հիմնականում զբաղվում են գյուղատնտեսությամբ, մանրածախ առևտրով և փոքր արտադրություններով:

ՀԶՆՀ-ի հիմնական նպատակն է Հայաստանում՝ մասնավորապես հեռավոր համայնքներում ստեղծել և խթանել կայուն տնտեսական զարգացմանն ուղղված նախաձեռնություններ: ՀԶՆՀ-ը տնտեսական զարգացման խթանման նպատակով կազմակերպում և իրականացնում է տարբեր փառատոներ Երևան քաղաքից դուրս, որտեղ անցկացվում են խոշոր միջոցառումների մեծ մասը:

Տավուշի հոգևոր վերածնունդ հիմնադրամի հիմնական նպատակն է Տավուշի մարզի Բերդի տարածաշրջանի հոգևոր և տնտեսական զարգացմանը խթանելը։ Փառատոնը հանդիսանում է հիմնադրամի հիմնական ծրագրերից մեկը։