Լրացավ Արարատի մարզպետ Ռուբիկ Աբրահամյանի պաշտոնավարման 100 օրը

ՀՀ Արարատի մարզպետ Ռուբիկ Աբրահամյանն իր պաշտոնավարումը սկսելով 2014 թվականի մայիսից` ձեռնամուխ եղավ մի շարք կարևորագույն մարզային հիմնախնդիրներին հրատապ լուծումներ հաղորդելու ծրագրերի մշակմանն ու իրագործմանը: ՀՀ Արարատի մարզպետարանի աշխատակազմի տեղեկատվության և հասարակայնության հետ կապերի բաժնի` «Արմենպրես»-ին տրամադրած տեղեկատվությ ան մեջ ասվում է, որ արդեն իսկ մեկնարկած գյուղատնտեսական տարին պահանջում էր մարզպետի հետևողականությունն ու հոգատարությունը գյուղացիական տնտեսությունների նկատմամբ: Գարնան գյուղատնտեսական աշխատանքների կազմակերպմանը զուգահեռ անհրաժեշտ քայլեր ձեռնարկվեցին վաղ գարնանային ցրտահարության հետևանքները մեղմելու և գյուղացիներին օգնելու նպատակով ազոտական, կալիումական, ֆոսֆորական պարարտանյութերի, ինչպես նաև վառելիքի, սերմացուի ներկրման աշխատանքների պատշաճ կազմակերպման և բաշխման հասցեականության ապահովման նպատակով:

Արարատի մարզպետն իր պաշտոնավարման մեկնարկային պահին, ոռոգման տարեշրջանը բարեհաջող սկսելու նպատակով, կազմակերպեց խորհրդակցություն` մարզի ջուր օգտագործող ընկերությունների (ՋՕԸ) ղեկավարների մասնակցությամբ:

Խորհրդակցության ընթացքում հստակ նախանշվեցին այն հիմնական առաջնահերթությունները, որոնք պետք է նպաստեին մարզի համայնքներում ոռոգման նպատակով անհրաժեշտ ջրամատակարարում ապահովելուն: Այս գործընթացին անմիջապես հաջորդեց Արարատի մարզպետի հրավերով ՀՀ գյուղատնտեսության նախարար Սերգո Կարապետյանի այցը մարզ` կարտոֆիլի և լոլիկի վնասատուների դեմ պայքարի միջոցառումը համատեղ ուժերով կազմակերպելու նպատակով: Գյուղատնտեսության ասպարեզում արդյունավետ գործընթացներ կազմակերպելուն միտված այս այցելության արդյունքում որոշվեց տեղադրել ֆերոլենային թակարդներ, ինչի շնորհիվ այս տարի մարզը ստացավ կարտոֆիլի և լոլիկի առատ բերք:

Մարզում բարեհաջող իրականացվեց նաև հացահատիկի բերքահավաքի կազմակերպումը հարթավայրային, նախալեռնային և լեռնային գոտիներում:

Այս ընթացքում Արարատի մարզպետի գործունեության առանցքը դարձավ նաև մարզի համայնքների ամենատարբեր ենթակառուցվածների նկատմամբ ուշադրության ցուցաբերումը: Մարզի համայնքներ կատարվող պաբերական այցելությունները, բնակիչների հետ շփումներն ու քննարկումները նպաստեցին համայնքանպաստ որոշումների կայացմանն ու համայնքային շատ հիմնախնդիրներին հրատապ լուծումներ հաղորդելուն: Ասվածի լավագույն օրինակ կարող է համարվել Այգեպատ համայնքում ավարտին հասցված 2.3 կմ երկարությամբ ոռոգման ջրագիծը, ինչը նպաստեց 110 հա հողատարածքների լիարժեք ոռոգմանը, որոն ք տարիներ շարունակ չէին ոռոգվում, կամ դրանց ոռոգումը կազմակերպվում էր ոչ լիարժեք: Աշխատանքներ են տարվում մարզի 67 հակակարկտային կայանները երկրորդ շարքով համալրելու ուղությամբ:

Համայնքային այցելությունների ընթացքում մարզպետն այցելել է համայնքային ենթակայության տարբեր կազմակերպություններ. մշակույթի տներ, մանկապարտեզներ, գրադարաններ և այլն: Արդյունքում լուծումներ են տրվել համանման կառույցներում առկա շատ խնդիրների: Մարզպետի այցելությունների ընթացքում տրված հանձնարարականի արդյունքում հիմնովին լուծվեց Արտաշատի թիվ 5 մանկապարտեզի ջեռուցման հիմնախնդիրը, որը հնարավորություն կտա ձմռան ամիսներին այս նախակրթարանի սաների պարապմունքները կազմակերպել տաքացվող սենյակներում: Շատ հիմնախնդիրների լուծումներ էլ դ եռևս առջևում են:

Ամռան ամիսներին Արարատի մարզպետի ուշադրության կենտրոնում էին նաև մարզի մանուկներն ու վերջիններիս ամառային հանգիստը կազմակերպելու աշխատանքները: Մարզպետի կողմից խրախուսվեցին բակային ճամբարների ձևավորման աշխատանքները: Աբրահամյանն անձամբ մասնակցեց Բուրաստան համայնքի բակային ճամբարի բացման արարողությանը:

ՀՀ կառավարության տրամադրած համապատասխան ֆինանսավորման արդյունքում Հանքավանի «Հեքիաթային կիրճ» մանկական ճամբարում իրենց ամառային հանգիստն անցկացնող երեխաները ոգևորությամբ ընդունեցին Արարատի մարզպետի անակնկալ այցելությունը:

Երեխաների պաշտպանության միջազգային օրվա կապակցությամբ մարզպետը հանդիպում ունեցավ Խարբերդի մասնագիտացված մանկատան աշխատակազմի և երեխաների հետ:

Արարատի մարզպետի կողմից իրականացվող մարզային գործընթացների առանցքում էին կրթության բնագավառի հիմնախնդիրները: Նախորդ ուսումնական տարվա ավարտի ու գալիք ուսումնական տարվա մեկնարկի պատշաճ կազմակերպումը դարձավ մարզպետի կողմից ոլորտի պատասխանատուներին տրված հիմնական հանձնարարականը՝ մարզում որակյալ կրթություն ապահովելու գերակա շեշտադրումներով: Աբրահամյանն ընդունեց դպրոցականների հանրապետական օլիմպիադայի հաղթողներին՝ նրանց արժանացնելով համապատասխան խրախուսանքների և հորդորելով, որ այսուհետ ևս ամենատարբեր օլիմպիադաներում պետք է կարողանան բարձր պահել իրենց մարզի պատիվն ու հեղինակությունը:

ՀՀ վարչապետ Հովիկ Աբրահամայնի՝ Արարատի մարզ կատարած աշխատանքային այցելության շրջանակում ՀՀ վարչապետն ու Արարատի մարզպետը եղել են նաև մարզի միասնական քննական կենտրոններում, զրուցել միասնական քննություններին մասնակցող շրջանավարտ-դիմորդների հետ:

Մարզային առօրյան լեցուն էր նաև մարզամշակութային բազմաթիվ իրադարձություններով: Բնագավառում առկա խնդիրները մանրամասն դիտարկելուց հետո՝ Արարատի մարզպետը ոլորտի պատասխանատուների հետ քննարկեց մարզի մշակույթի և սպորտի բնագավառներին նոր լիցքեր հաղորդելուն միտված մի շարք առաջնահերթ ծրագրեր:

Այս ամենին զուգահեռ կազմակերպվեց այցելություն Պարույր Սևակի տուն-թանգարան՝ կից կառուցվող Զանգակատան շինարարական աշխատանքների ընթացքին տեղում ծանոթանալու նպատակով: Մարզպետ Աբրահամյանը մասնակցեց նաև «Պոեզիայի օր» միջոցառմանը, որի ընթացքում ևս արվեստագետների հետ նախանշվեցին մարզում նորովի մշակութային ավանդույթներ կերտելու նպատակով տարաբնույթ նախաձեռնություններ ցուցաբերելու կարևորությունները:

Արարատի մարզի արտաքին շփումները ևս համարվեցին առաջնահերթ ուղղություններ: Արարատի մարզպետը հանդիպեց ՀՀ-ում Բելառուսի Հանրապետության արտակարգ և լիազոր դեսպան Ստեպան Սուխորենկոյի հետ՝ քննարկելով Բելառուսի հանրապետության վարչատարածքային միավորների հետ նոր շփումներ ձևավորելու հնարավորությունները: Այս հանդիպման ավարտին Արարատի մարզպետն ու դեսպանը Բելառուսի ազատագրման 70-ամյակի կապակցությամբ մեդալներ և պատվոգրեր հանձնեցին Բելառուսի ազատագրմանը մասնակցած մարզի վետերաններին:

Մարզպետի հանձնարարությամբ հանգամանորեն վերլուծության ենթարկվեցին մարզի առողջապահության բնագավառի գործունեության ուղղությունները, ինչի արդյունքում պետք է մշակվեն ու իրագործվեն մարզի բնակչության համար առանցքային կարևորություն ունեցող այս բնագավառի զարգացման և արդյունավետության լայնամասշտաբ ծրագրեր: Բուժաշխատողների միջազգային օրվա կապակցությամբ կազմակերպվեց մարզի բուժաշխատողների ընդունելություն և պարգևատրում, որի ընթացքում Արարատի մարզպետը հերթական անգամ կարևորեց մարզի բնակչության համար որակյալ, ժամանակի պահանջներին համահունչ և հոգատար բուժսպասարկում կազմակերպելու հանգամանքը:

Առողջապահության համակարգի արդիականացմանը միտված ձեռնարկները քննարկվել են նաև ՀՀ առողջապահության նախարար Արմեն Մուրադյանի՝ մարզ կատարած այցելության շրջանակներում:

Ամառային զորակոչի նախապատրաստական աշխատանքները բարեհաջող կազմակերպելու և դրանց ընթացքը քննարկելու նպատակով տեղի ունեցավ հանդիպում տարածաշրջանային զինկոմիսարիատների զորակոչային հանձնաժողովների հետ:

Առանձնահատուկ ուշադրություն է ցուցաբերվել մարզի հոգևոր ոլորտում առկա գործընթացների նկատմամբ: Նորաբաց համայնքում տեղի է ունեցել Սուրբ Մարիամ Աստվածածին եկեղեցու օծումը՝ ՀՀ նախագահ Սերժ Սարգսյանի մասնակցությամբ: Մարզպետը մարզի Բարձրաշեն համայնքում մասնակցել է Սուրբ Համբարձում եկեղեցու հիմնարկեքի արարողությանը:

Աբրահամյանը մասնակցել է նաև ՀՀ սփյուռքի նախարարության կողմից իրականացվող «Արի տուն» ծրագրի հերթական փուլերից մեկի փակման արարողությանը՝ սփյուռքահայ երիտասարդներին հայտնելով մարզում մշտապես նրանց հյուրընկալելու պատրաստակամության մասին: Ծրագիրը մարզում բարեհաջող իրականացնոլու համար մարզպետ Ռուբիկ Աբրահամյանը արժանացել է Սփյուռքի նախարարության պատվոգրին:

Մարզպետարանի վերջին 100 օրվա գործունեությանը մաս են կազմել նաև մարզի տնտեսական ցուցանիշների հստակ վերլուծությունները, որոնք դարձել են ՀՀ Արարատի մարզպետի ընթացիկ հաշվետվության հիմքը և ներկայացվելու են հանրությանը: Մարզային գործընթացների կարևորագույն բաղադրիչ են համարվել նաև ինչպես ՀՀ կառավարության կողմից տրամադրված հրատապ ծրագրերի, այնպես էլ պետական բյուջեով նախատեսված հատկացումների հաշվին իրականցվող շինարարական աշխատանքները, որոնց որակյալ և պատշաճ կազմակերպումը եղել և մնում է մարզպետարանի աշխատակազմի համապատասխան կառուցվածքային ստորաբաժանումների ղեկավարներին Արարատի մարզպետի կողմից տրվող ամենօրյա հանձնարարականների հիմնական ուղղությունը:

Մարզպետ Ռուբիկ Աբրահամյանը մեծապես կարևորել է հրապարակային ու թափանցիկ աշխատաոճը, ինչպես նաև մարզպետարան-մարզի բնակիչներ սերտ կապի ապահովումը: Պաշտոնավարման առաջին օրը Արարատի մարզպետարանում Ռուբիկ Աբրահամյանի ջանքերով ստեղծվել է ԹԵԺ գիծ, որը լավագույն հնարավորություն է մարզի շատ բնակիչների կողմից բարձրացվող հարցերին հրատապ արձագանքելու և համապատասխան աջակցություն ցուցաբերելու հարցում:

Մարզպետը պարբերաբար կազմակերպել է քաղաքացիների ընդունելություններ, որոնց ընթացքում ևս լուծումներ են ստացել բազում և բազմապիսի սոցիալական խնդիրներ:

Այսօր մարզպետարանու կան մարզի շարունակական զարգացմանն ու մարզային ամենատարբեր ենթակառուցվածքների աշխատանքների կատարելագործմանը միտված ընդգրկուն ծրագրեր, որոնք կյանքի են կոչվելու առաջիկայում:

Լիլիթ Մաճկալյան