Յուրգեն Կլոպի համար «Բայերն» անհարմար մրցակից է

Բունդեսլիգայի 2014/15թթ. առաջնության առաջին տուրում այսօր՝ Երևանի ժամանակով 20:30-ին, կկայանա «Բորուսիա» - «Բայեր» հանդիպումը:

Հեղինակավոր Williamhill բուքմեյքերական կենտրոնը հանդիպման բացահայտ ֆավորիտ համարում է Դորտմունդի թիմին'հաղթանակի հավանականությունը գնահատելով 1.6 գործակցով: Ոչ-ոքիի համար սահմանվել է 4.2 գործակիցը: Լևերկուզենի «Բայերի» հաղթանակի հնարավորությունն ունի 5 գործակիցը:

Դորտմունդի «Բորուսիայի» մարզիչ Յուրգեն Կլոպի կարծիքով՝ Լևերկուզենի «Բայերը» ցուցադրում է ակտիվ ֆուտբոլ:

«Լևերկուզենցիները բարձր մակարդակի ֆուտբոլ են ցուցադրում և շատ ակտիվ են խաղում: Հանգստի շրջանում բավականին ուժեղ թիմ են կազմավորել: Նրանք անհարմար մրցակից են մեզ համար»,- Կլոպի խոսքը փոխանցում է «Բորուսիայի» պաշտոնական կայքը: