ՃՏՊ Մ-4 միջպետական ավտոճանապարհին. ավտոմեքենա է կողաշրջվել, կան տուժածներ

Օգոստոսի 24-ին, ժամը 03.23-ին ահազանգ է ստացվել, որ Մ-4 միջպետական ավտոճանապարհի 30-րդ կմ-ում տեղի է ունեցել ՃՏՊ՝ ավտոմեքենան կողաշրջվել է, կան տուժածներ. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «Մերսեդես» մակնիշի (վարորդ՝ Վ. Լ.) 35OC035 և «ԶԻԼ» մակնիշի (Գ. Թ.) 34AL422 պետհամարանիշներով ավտոմեքենաները:

Հրշեջ-փրկարարները «Մերսեդես» մակնիշի ավտոմեքենայից դուրս են բերել վարորդ Վ. Լ.-ին (ծնվ. 1983թ.), ով հոսպիտալացվել է «Սուրբ Գրիգոր Լուսավորիչ» Բ/Կ: Բժիշկները տուժածի առողջական վիճակը գնահատել են ծանր:

Հրշեջ-փրկարարները հոսանքազրկել են ավտոմեքենան և փակել գազի բալոնի փականը: