ԿԳ նախարարը կհաստատի այն դպրոցների ցանկը, որոնցում կդասավանդվի «Ազգային երգ ու պար» առարկան
Հասարակություն
Հանրապետության մի շարք դպրոցներում այս տարի կներդրվի «Ազգային երգ ու պար» առարկան: Այս մասին լրագրողների հետ զրույցում ամփոփելով պաշտոնավարման 100 օրը, նշեց ՀՀ կրթության և գիտության նախարար Արմեն Աշոտյանը: Նախարարի խոսքով՝ այսօր իր հրամանով կհաստատվեն այն դպրոցները, որտեղ առարկան կներդրվի փորձնական եղանակով:
«Ծրագիրը պետք է մոտավորապես 1-1,5 տարի փորձարկում անցնի: 1,5-2 տարվա ընթացքում կորոշենք, թե որ դասարանից ենք այդ առարկան դարձնելու պարտադիր, քանի տարի է տևելու ուսուցումը և ինչպես է այն կազմակերպվելու»,- «Արմենպրես»-ի փոխանցմամբ, նշեց Արմեն Աշոտյանը:
Նոր առարկան փորձնական եղանակով կդասավանդվի դպրոցների հինգերորդ դասարանի աշակերտներին: «Ազգային երգ ու պար»-ի շնորհիվ աճող սերունդը կստանա հայրենասիրական դաստիարակություն: Առարկայի փորձարկումը դպրոցներում կսկսվի հենց այս սեպտեմբերից: Կստեղծվեն համապատասխան մեթոդաբանական ձեռնարկներ, տեսասկավառակներ, որոնք կօգնեն ուսուցչին և երեխաներին:
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
