Լոս Անջելեսում հանձնվել են «Էմմիի» մրցանակները

Լոս Անջելեսի Nokia Theatre-ում տեղի է ունեցել «Էմմի» (Primetime Emmy Award) հեղինակավոր հեռուստատեսային մրցանակի հանձնման 66-րդ արարարողությունը:

Ինչպես տեղեկացնում է «Արմենպրես»-ը, արարողությունը վարել է ամերիկացի դերասան և զավեշտակատար Սեթ Մայերսը: Մրցանակի հաղթահերոսն է դարձել «Ամեն տեսակի արատների անձնատուր» (Breaking Bad) սերիալը, որն ընդհանուր առմամբ ստացել է հինգ պարգև, այդ թվում որպես լավագույն դրամատիկական սերիալ: Բրայան Քրենսթոնը, որը սերիալում կատարել է քիմիկոս Ուոլթեր Ուայթի դերը, ստացել է տղամարդու լավագույն դերի համար պագևը, իսկ Ահարոն Փոլը և Աննա Գաննը դարձել են երկրորդ պլանի լավագույն դերասաններ: Սերիալը նաև նշվել է «Լավագույ ն սցենար» կատեգորիայում:

Լավագույն ռեժիսուրայի համար «Էմմին» ստացել է Քերի Ֆուկունագան («Իսկական դետեկտիվ»/ True Detective): Դրամատիկական սերիալի լավագույն դերասանուհի է ճանաչվել Ջուլիանա Մարգուլիսը «Ճիշտ կինը»(The Good Wife) սերիալում կատարած աշխատանքի համար:

Անցած սեզոնի լավագույն կատակերգական սերիալ է ճանաչվել «Ամերիկյան ընտանիք»-ը (Modern Family), որը պարգև է ստացել հինգերորդ անգամ անընդմեջ, հաղորդել է ԻՏԱՌ-ՏԱՍՍ-ը: