Տեղի կունենա Մասիսի թիվ 5 դպրոցի նոր մասնաշենքի բացումը

Սեպտեմբերի 1-ին տեղի կունենա Մասիսի թիվ 5 դպրոցի նոր մասնաշենքի բացման արարողությունը, որի համար ՀՀ քաղաքաշինության նախարարության քաղաքաշինական ծրագրերի իրականացման գրասենյակը տրամադրել է 317 մլն դրամ: Ինչպես «Արմենպրես»-ին տեղեկացրեց Արարատի մարզպետարանի աշխատակազմի քաղաքաշինության վարչության պետ Լևոն Խաչատրյանը, շինարարական աշխատանքները մեկնարկել են 2010 թվականից:

Նույն գրասենյակի միջոցներով Գիտելիքի օրը տեղի կունենա մեկ այլ' Վարդաշեն գյուղի դպրոցի մարզադահլիճի բացման արարողությունը: Ավարտին են մոտեցել նաև հարակից տարածքի բարեկարգման աշխատանքները: Վարդաշենի նորակառույց դպրոցի շինարարական աշխատանքները մեկնարկել են 2008 թվականին, որի համար տրամադրվել է 456 մլն 624 հազար դրամ:

Արարատի մարզում պետբյուջեի միջոցներով, 2014 թվականին իրականացվում է կրթական օբյեկտների 18 ծրագիր: 13 դպրոցներում իրականացվում են վերանորոգման, ներքին հարդարման աշխատանքներ, որոնց համար պետբյուջեից հատկացվել է 210 մլն 500 հազար դրամ: Մարզի Վերին Դվին, Զորակ, Ոսկետափ, Փոքր Վեդի և Նոր Ուղի համայնքների դպրոցներում կատարվում են գազաֆիկացման, պատուհանների և դռների փոփոխման, ջեռուցման համակարգի կառուցման աշխատանքներ: Հիշյալ հինգ դպրոցների աշխատանքների համար հատկացվել է 90 մլն դրամ: Արտաշատի թիվ 4 դպրոցում 19 մլն 300 հազար դրամով իրական ացվում են տանիքի վերանորոգման աշխատանքներ: Հիշյալ աշխատանքները մեկնարկել են օգոստոսի 1-ից և կավարտվեն մինչև հոկտեմբերի 5-ը:

Լիլիթ Մաճկալյան